Ven, 13 Mai 2016, 10:03
Asunto: Re: Diario de Meigalicix (polo 20% e subindo)
Tes razón Freaky, o incendio de Fandicosta merecía unha crónica.... desde a nosa casa podía verse unha nube enorme, negra , definitiva, como fungo de explosión nuclear, ou como de bombardeo sirio.... De verdade que me acordei de toda a xente que seguro que ten nubes coma esas de panorama diario... pero non me puden parar a redactar a crónica porque xusto nestes días o meu panorama familiar tiña tamén os seus incendios e nubes negras das que tiña que ocuparme con urxencia.
Indo xa á temática propia de diario, dicir que o martes pasei pola osteópata. Ademáis do habitual, desta volta a clave do diagnóstico é que teño moi debilitada a musculatura do fondo da pelve, e por iso van mal o psoas e o piramidal ( seguro que esta muller si que lle fai caso ós eslógans de 101
). Así que de aquí ata o 1 de xuño toca facer series de abdominais hipopresivos, contraer a ritmos lentos e rápidos os músculos da base da pelve , e demáis cousas raras e inexplicables.
O mércores fixen o primeiro intento de saída semanal. Con isto de que xa non son capaz de pegarme os madrugóns que solía facer en anos anteriores , ó final vinme tan xusta de tempo que todo quedou en 5 ridículas voltas á Balbarda, polo menos foron a ritmo lixeiro, para aliviar a conciencia.
Onte quixen demostrarme a mín mesma que aínda tiña algo de forza de vontade, e aínda que o horario se foi complicando ó longo do día, non tirei a toalla e sain correr ás 10:15 da noite. Por fin parecía que marchara a choiva de Oliveville ( de momento) , e nalgúns patios e xardins do percorrido arrecendía a terra secando, e a rosas e limóns .
Ía tan cansa que case levaba mais sensación de ir durmida que desperta. Para espabilar, acordeime de Freaky e os censos, e caín na conta de que nunca fixera o da franxa horaria das 10:30 da noite en diante. O reconto que me saiu foi :
- paseadores de cans,1, e con correa, ainda menos mal.
- Adolescentes facendo o tolo a ritmo de reguetón na parda do bus, 3.
- Tráfico , abundante.
- Autocares da empresa Mombús, 3, 2 cara Vigo, 1 cara Pontevedra ( nunca pensara que Mombús tiña servizos tan tarde).
- Gatos, 2, un deles negro e cruzou diante miña antes de chegar ás 4 Pontes. Será por iso que o Circuíto de Chapela saiu en 52:30 minutos... Moita marxe de mellora me queda para o resto da semana.
- Corredores , só 2, un con cortaventos amarelo fosforescente á altura do Cemiterio de Teis, e outro de camiseta branca no Alto da Encarnación.
-Corredoras, só unha servidora, con camiseta laranxa e muñequeras reflectantes.
Por certo, que onte reparei en que a data da nocturna de Correndo por Vigo queda para o 2 de xullo, en lugar de a finais de maio. Se cadra ata me da o corpo para correr a de San Xoan e a nocturna. O meu sobriño encantado, pois desas datas xa terá rematado os ensaios, clases e actuacións e o ten mais doado para ir correr, e para lucir todos os seus entrenos no ximnasio de A Miñoca. O outro día chegoume todo garboso dicindo que fixera na cinta 5km a un ritmo de 3:40, pero xa lle dixen que andivese con ollo, que correr 10km , e coas rampas que hai na Nocturna, implica saber dosificar... En calquera caso está moi motivado. Xa veremos de aquí a alá se hai que dicir que "ha nacido una estrella",ou unha bengala ou un misil tomahawk. Xuventude, divino tesouro...