85 x 1.000 grazas

O pasado mes de maio e por primeira vez dende a creación de Correr en Galicia superáronse as 85.000 visitas á web nun só mes, confirmando desta forma a gran subida experimentada dende o pasado mes de febreiro e superando as 80.000 visitas do mes de abril. Ademais, máis de 675.000 páxinas foron consultadas no mesmo periodo o que tamén supón un novo "teito estadístico".

Unha vez máis, queremos agradeceros a tódolos corredores, camiñantes, organizadores, xuíces, voluntarios, cronometradores, aficionados... o tempo que dedicades ao longo da tempada a compartir as vosas experiencias e facer deste un agradable lugar de encontro entre deportistas. Co paso dos anos e axuda de todos vós, Correr en Galicia é a día de hoxe unha das webs deportivas máis visitadas de toda Galicia.

Saúdos a todos e a seguir desfrutando do deporte.

Moitas grazas,

Correr en Galicia