Xov, 08 Xan 2009, 11:13
Asunto: II Andaina Bisbarra do Sar 2009
Xa está aberto o prazo de inscrición para a
2ª ANDAINA "BISBARRA DO SAR" (50 km en 12 horas), que terá lugar o vindeiro
4 de abril de 2009. Trátase dunha proba organizada polo
Colectivo Asociación Remonte e mailos concellos de
Dodro,
Rois e
Padrón.
A saída será ás 9:00 horas dende a Praza de Macias da Vila de Padrón, e a hora tope de chegada serán as 21:00 no Polideportivo do “Rio Sar”, tamén situado en Padrón. Este ano a participación está limitada a
350 persoas.
Trátase dunha proba aberta a todo o mundo e que ademais está incluida na
Copa Galega de Andainas de 50 Km, que organiza a
Federación galega de Montaña. Está dividida en
2 aneis, con controis (tempos mínimos/máximos) e avituallamentos (auga, refrescos, froitos secos, bocatas, froita, empanadas) nos Km: 5-17-22-29-37-45.
1º Anel (17 Km-Tpo. Estimado:150/240 minutos)
“Terras de Rosalía e Cela”: Padrón--Iria Flavia--Pedreda--Monte de Meda--Museo Rosalía Castro--Canle río Sar--Campo da Insua--Aldea da Ponte--Padrón.
2º Anel (33 Km-Tpo. Estimado:330/480minutos)
”Balcón da Ría de Arousa”: Padrón--Campo de Golf-Seira--Ataúde--Monte San Gregorio--Formarís--Casas do Porto--Buxán--Monte Pedregal--Eólicos Campo do Treito--Chisca--Fonte Primeiral--Rialiño--Pazo da Hermida--Pazo Lestrove--Padrón.
Ao final farase unha pequena festa.
(Aquelas persoas que cheguen cos controis pechados, así como os que non queiran completar a proba, poderánse retirar nos puntos citados anteriormente e realizar o traslado ata o punto de saída nos vehículos que disporá a organización.)
Aos participantes que logren rematar a proba en menos de 12 horas, expediráselle
Diploma Acreditativo. Aqueles outros que completen un dos aneis, daraselle un
Diploma de participación.
Para máis información sobre a andaina e sobre as inscricións:
www.andainabisbarradosar.com. Esa web tamén da acceso a un blog e ás fotos do ano pasado así como permite descargar os
tracks e os
.kmz (Google Earth) do percorrido.
Última edición por U o Mar, 31 Mar 2009, 9:29; editado 4 veces