Mar, 10 Xan 2017, 17:16
Asunto: Diario de Sonsuso
Ola a todos!
Despois de algo máis de 5 anos dende a miña primeira carreira popular, a Pedestre de Santiago en 2011, anímome a abrir este diario. Descubrín o foro algunha semana antes de dita carreira, pero ata anos despois non comecei a participar no foro de forma máis ou menos activa. Nestes anos corrín bastantes carreiras de ata 10km, penso que 12 medias maratóns e 4 maratóns (A Coruña en 2014, Porto en 2014, A Coruña en 2015 e Moscú en 2016). Sen embargo, nunca tiven un plan de entrenamento nin seguín ningún tipo de planificación máis alá de saír a correr cando podía e xogar coas distancias e intensidades en base aos obxectivos que me marcase. Sei que isto non é nin sano nin bo, pero así foi. En calquer caso, sempre prioricei o descanso e a falta de entrenamento antes que o exceso. As miñas preparacións das maratóns brillan pola escasez de quilómetros.
Pese a isto, penso que os meus tempos son bastante majos. Actualmente as miñas MMP son:
10km: 38'09'' (Interrunning 2014)
Media Maratón: 1h23'23'' (VigBAY 2014, homologada)
Maratón: 3h13'14'' (Coruña42 2014, homologada) e 3h13'19'' (Coruña42 2015, homologada)
Para poder contextualizar un pouco, quero destacar os seguintes puntos:
- Teño 24 anos (farei 25 en marzo), peso 68kg e mido 169cm.
- Fixen fútbol dende os 7 ou 8 anos ata os 18, momento no cal rompín o ligamento cruzado anterior do nocello esquerdo por segunda vez (a anterior fora con 15 anos). É dicir, teño dúas operacións na mesma rodilla. O mantemento de forza e musculatura o levo ben, e foi unha constante durante estes anos. Iso si que non o descuido.
Motivación
Xa levaba tempo coa idea de comezar a seguir un plan de entramentos e, para iso, quería abrir un diario que me permitise compartilo para dalgunha forma obrigarme a seguir dito plan (algo que nunca fixen). Pero sobre todo, poder así ler opinións e suxerencias de quen queira, pois claro está que os meus coñecementos son case nulos, pese a que kms teño feito bastantes.
Eu pretendía comezar coa planificación da Coruña42 deste ano, pero por motivos académicos estarei en Ratisbona (Alemaña) dende abril ata xullo. Coa casualidade de que concretamente o 28 de maio ten lugar a maratón de Ratisbona. Así, animeime a abrir este diario para ir contando pouco a pouco cales son os meus entrenamentos e o planning que teño, ao mesmo tempo que estou completamente aberto a suxerencias e críticas.
Obxectivos
Persoalmente penso que as marca de 10km e media maratón non as poderei mellorar demasiado, polo menos sen seguir un plan de adestramentos dado por un adestrador ou alguén que saiba. Sen embargo, si que creo que podo estar preto das 3h en maratón. Por iso, ese é o meu obxectivo neste 2017. Facer
3h en maratón.
Nótese que non quero dicir sub3h, penso que é ambicioso demais. Xa teño 4 maratóns nas pernas, con bastantes sobresaltos no caso de Porto e Moscú, e iso dame algo de experiencia á hora de como encarar esta preparación. Pero sei que debería ter unhas marcas en 10km e media maratón algo mellores para poder aspirar realmente a un sub3h. Sobre todo, porque rebaixar 13 minutos é un salto considerable.
A posteriori, se chegan marcas en 10km e en media maratón, benvidas. Aínda que só vexo viable a de 10km, pois vendo o calendario non poderei ir á VigBay e a Coruña21 é moi cedo.
Plan a seguir
Iniciado o plan onte luns 9 de xaneiro, quedan 20 semanas ata o 28 de maio. Así, o plan terá dúas partes, as 6 semanas iniciais e logo 14 semanas de preparación específica para a maratón.
As
6 primeiras semanas serán algo máis suaves e non tan esixentes. Intentarei incidir un pouco na velocidade e na forza, cousas que deixei un pouco de lado estes anos. Pero sobre todo quero adaptarme ao feito de seguir un plan e estar cómodo con esta forma de traballar. Seguirei como idea as primeiras semanas do plan da Maratón de Valencia (as primeiras semanas da etapa "pre-preparación específica").
Para a
preparación específica da maratón (14 semanas), estiven vendo varios plans en distintas webs. En primer lugar, decidín buscar un plan sub3h, e entre estes gustoume o da maratón de Sevilla. Así, decidín seguir este plan pero con certas modificacións ao non poder realizar as competicións que se indican ao estar en Alemaña e non poder desprazarme.
Dito isto, pouco máis. Irei comentando cada día o que vou facendo e aberto a recibir moitos paos
![Rezar Rezar](images/smiles/eusa_pray.gif)
. Perdoade se foi un pouco pesado.
Saúdos a todos e grazas de antemán por calquer comentario que fagades!
Sonsuso