Foros ›
VIII Carreira Popular de San Sadurniño
Forum Index / Carreiras Populares en Galicia
Reply to topic

Author
Message
gutibtt

Foreiro infantil
Foreiro infantil
22/05/14
0 Carreiras
58 Posts

Reply with quote Post Mon, 08 May 2023, 10:29
Post subject: VIII Carreira Popular de San Sadurniño

San Sadurniño volverá correr polo medio ambiente o domingo 4 de xuño, dentro da oitava edición. A proba ten as inscricións abertas desde hai escasos días a través da plataforma emesports.es, ofrecendo circuítos gratuítos de entre 60 e 900 metros nas categorías inferiores e un trazado de 4,9 quilómetros na absoluta (5€), que este ano modifica o seu percorrido para facela aínda máis espectacular.
O departamento municipal de Deportes agarda que este cambio sexa un aliciente para superar a participación do ano pasado, cando se chegou ás 419 inscricións. Neste sentido, por razóns loxísticas, o límite de deportistas volve estar limitado a un máximo de 500. A carreira estará controlada polo Comité Galego de Xuíces da FGA e as saídas e chegadas concentraranse de novo no arboreto galego da Cortiña -ao pé do paseo fluvial do Xubia-, lugar de referencia para todos os eventos multitudinarios que organiza o Concello de San Sadurniño.

As categorías inferiores masculina e feminina SUB14, SUB 12 e SUB 10 correrán de balde -aínda que deberán inscribirse igualmente- por un mesmo circuíto situado xusto no centro do arboreto da Cortiña, coa única diferenza do número de voltas que deberán dar: tres, dúas e unha, respectivamente. No apartado de Peques -nenas e nenos nados de 2016 en diante- habilitarase unha recta de 60 metros no sendeiro principal, facendo varias saídas en grupos de idades similares para evitar caídas.


Na carreira absoluta participarán desde deportistas que nacesen entre 2008-2009 ata os que pasen dos 55 anos, dentro das categorías SUB 16, SUB 18, Senior, Máster 35, Máster 45 e Máster 55, tanto en masculino como en feminino. A saída daráselles sobre as 11:30h calculando un tempo máximo de 50 minutos.

Antes, ás 11:00h, desenvolverase a proba SUB 14 e unha vez finalice a absoluta, a iso das 12:30h, irán encadeándose as carreiras SUB 12, SUB 10 e Peques a razón de unha cada cuarto de hora, co obxectivo de comezar coa entrega de premios sobre as 13:30h.

A popular de San Sadurniño convida a correr “polo medio ambiente” na que é xa unha das citas clásicas para o deporte afeccionado da comarca. O Concello contará coa asistencia técnica da Federación Galega de Atletismo. Ademais tamén colabora a clínica local Fisio-Che-Ben cun servizo de fisioterapia.

Toda a información pode atoparse en carreirasgalegas.com e as inscricións deben formalizarse na web emesports.es. O último día é o 26 de maio (ás 23:30h) e non haberá posibilidade de anotarse o propio día da carreira.
Kalimero

Foreiro Senior
Foreiro Senior
7/02/10
0 Carreiras
478 Posts

Reply with quote Post Fri, 26 May 2023, 23:55
Post subject: Re: VIII Carreira Popular de San Sadurniño

Inscribinme nesta carreira, na que será a miña primeira participación. Ata o de agora sempre escoitei boas referencias así achegareime a San Saturniño para comprobalo por mín mesmo.
pazolesky

Maratoniano
Maratoniano
14/01/13
0 Carreiras
690 Posts
Fenés de adopción, pero de Ferrol
Reply with quote Post Sat, 27 May 2023, 13:36
Post subject: Re: VIII Carreira Popular de San Sadurniño

Corrín as dúas primeiras edicións e alí estaremos de novo para probar ese novo circuito.
pazolesky

Maratoniano
Maratoniano
14/01/13
0 Carreiras
690 Posts
Fenés de adopción, pero de Ferrol
Reply with quote Post Sun, 04 Jun 2023, 12:03
Post subject: Re: VIII Carreira Popular de San Sadurniño

Pois o circuito pareceume durillo, tanto a costa grande como a recta cando se sae á carreteira. Pero me gustou volver a San Sadurniño, moi boa organización. Parabéns !
Kalimero

Foreiro Senior
Foreiro Senior
7/02/10
0 Carreiras
478 Posts

Reply with quote Post Sun, 04 Jun 2023, 16:27
Post subject: Re: VIII Carreira Popular de San Sadurniño

Unha boa mañá para coñecer esta carreira.





You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum
You cannot vote in polls in this forum
You cannot attach files in this forum
You can download files in this forum