Mér, 06 Set 2006, 22:46
Asunto:
eu corrín unha vez soa e hai xa anos, pero teño entendido que o circuito non cambiou. Empezas na ponte e axiña comeza a costa de marras, moi selectiva. Cando chegas arriba hai un tramo surrealista, porque é plano pero paralelo á vía do tren co cal non tes apenas sitio para adiantar non sendo que queras remodelar a articulación do nocello, e a continuación unha baixada que parece un descenso de esquí para finalmente volver disfrutar da costa.
Seguro que me deixo algo porque son os recordos de hai uns anos, e se me equivoco en algo pido disculpas, se cadra o percorrido foi modificado sen eu sabelo. Táctica de carreira... normalmente vas no medio da manada e pouco hai que reflexionar, eu cheguei demasiado fresco porque pensei que se remataba arriba da costa e resulta que había un desvío no medio (onde está o campo da festa). Unha lección que saquei é que non hai que recuperar no descenso como se soe facer porque logo xa queda un treito bastante curto, mellor arriscar un pouco aínda que sofran os cuádriceps.
Un saúdo a todos e ata o domingo en Gundián
