Lun, 14 Set 2026, 18:13
Asunto: Re: XII MEDIA MARATÓN RIBADEO AS CATEDRAIS
Xa que hai tema aberto imos comentar algo sobre a media. A cal bateu o seu record de inscritos con 1129, o que pasa que ó ter un prezo tan económico (entre 5€ e os 10€ según tramo) fallou moitísima xente, só rematamos 722 polos 746 do ano pasado.
Outro día de moitísima calor coma o ano pasado que tan mal o pasara, polo que este ano decidín ser ainda máis conservador, xa que ademáis estou bastante máis baixo de forma.
Salín de moi atrás e trás 42 segundos paso polo arco de saida, sendo ese 1º km o máis rápido da media en 4'52", unha volta máis pequena que noutros anos polo pobo e xa baixamos cara o porto pero por outro sitio e xa nos encontramos cunha subida distinta e dura, despois dela xa enlazamos co percorrido de todalas edicións. O cal alterna tramos de asfalto e terra.
Obxetivo ca calor, rematar xa que o sábado imos participar na nova media Correndo no Camiño.
O certo que non o levei nada ben, xa que caseque non hai unha sombra en todo o percorrido. Polo que pouco a pouco fun facendo kms. con bastante xente camiñando nas subidas.
Chegando moi contento por rematar sen incidencias, pero moi canso con 1h53'35" neto e posto 246, o que me sorprendeu bastante para ese tempo.
A organización para min cada ano vai a mellor, con todos os servicios posibles, avituallamentos intermedios e un moi bo o rematar. Infinidad de voluntarios e remate nun marco incomparable como é a praia das Catedrais, onte ca marea chea polo que non se apreciaba no seu esplendor.
