Lun, 22 Xuñ 2026, 18:26
Asunto: Re: XI OS 21 DO CAMIÑO. PALAS DE REI - MELIDE
O sábado pola tarde facía día para calquera outra cousa, pero non para meterse 21 Kms. polo duro Camiño de Santiago.
Qué ambientazo hai sempre na praza de Palas ata que dan a saida, eu situeime atrás de todo e debín ser dos 30/40 derradeiros en tomar a saida.
Primeiros kms. en subida e xa no km 3 e pico xa se ve algún corredor camiñando, mal pronóstico.
Eu cómodo en absoluto, obxetivo meu seguir correndo ata o avituallamento do km 7 e antes de iniciar a dura subida que ven a continuación.
Moi despaciño consigo subila sen pararme, moitos andando. Da gusto pasar por baixo das numerosas mangueiras dos veciños e aspersores postos pola organización.
Os Kms. van caendo, pero cunha sensación malísima e chegamos a famosa subida do Mato, agacho a cabeza e vou pouco a pouco restando mts. aquí baixo a sombra máis corredores camiñando que correndo. Alcanzo o asfalto penso que vou a conseguilo un ano máis, pero nos derradeiros 200 mts, a cabeza dixo basta e tiven que camiñar, o que me costou retomar a corrida.
Pero agora había que restar kms. para chegar a Melide, na subida no 14 outro cento de mts. camiñando e o certo e que ia francamente mal como a maioría dos participantes.
Doume a vida a voluntaria que estaba cun barreño e te botaba auga fresquiña polo lombo, eu creo que me ia a poñer a camiñar ainda que fora en terreo chan.
Nun par de fontes si que parei a mollar a cabeza e empapar a visera. Por fin chego a Furelos, xa non queda "case nada" pero o que falta e todo costa arriba dándonos de cheo o sol, pero isto xa está rematado, 02 horas e 23 segundos neto (47" máis no oficial), o tempo máis lento que fixen eiqui, pero unha vez máis rematei Os 21 de Camiño, xa van 11 metas conquistadas.
Completamente esgotado collín un auga e un isotónico e senteime, pensando para min, que necesidade hai, non volto e a Media Maratón polo Camiño Inglés do día 05 de Xullo , non vou. A muller na praia e eu eiqui, antes de vir dime que estou tolo, que o día menos pensado a chaman para que me vaia buscar porque estoupei.
Pero onte xa estaba pensando en inscribirme para a de dentro de 12 días e todos Os 21 do Camiño que me agardan por facer, sarna con gusto non pica.
Cando, hai uns días, comentei que nos regasen con mangueiras os veciños, non agardaba, nin de lonxe, o de onte. Non sei se son conscientes do ben tan grande que nos facían. Moi ben organizados os postos de hidratación (os "oficiais" e os "improvisados" 
). 
