Xov, 11 Set 2025, 20:11
Asunto: Maratón de Boston 20.04.2026

---

Boas noites,

Abro este fío por 2 motivos:

1.- Se alguén ten pensado ir á Maratón de Boston (por aquilo de ir xuntos, etc)
2.- Se alguén foi en anos anteriores e me pode explicar como son as cousas por alí

Coméntoo porque, ao ser a miña primeira viaxe ao estranxeiro por un tema así (a miña primeira Major) e non me quería complicar.

Non debería ter problema para ter dorsal (a marca que teño é 10 minutos inferior á de corte para a miña categoría, e xa ma validou a organización) polo que para o que solicito axuda e para que algún compañeiro de fatigas me oriente sobre aloxamentos axeitados, cousas que debería facer e cales evitar, consellos para a saída, etc.

En principio mirei de ir cun touroperador oficial malia o pastizal que sería (Boston era a Maratón que tiña na cabeza desde que me puxen a correr en serio, e non me quería complicar buscándome a vida coa viaxe e esas cousas) pero resulta que cando lles consulto xa teñen tódalas prazas ocupadas por xente que son habituais de fai anos: non sei entón para que o anuncian!

Toda axuda sería benvida! Graciñas pola vosa atención.

---

Every new beginning comes from some other beginning's end.

Mér, 17 Set 2025, 11:56
Asunto: Re: Maratón de Boston 20.04.2026

---

Mar, 04 Nov 2025, 14:50
Asunto: Re: Maratón de Boston 20.04.2026

---

Ola, aínda que con un pouco de retraso contesto ao teu comentario.

A cuestión do aloxamento nas maiors é unha das principais dificultades. en particular, nos EEUU o prezo do aloxamento nos hoteis ese fin de semana é moi caro (na miña opinión prohibitivo).

A miña recomendación é aloxarse en albergues. En particular, no caso de Boston está o HI Boston Hostel. Se o buscas en booking non terá prazas dispoñibles, pero eu si que atopei prazas dispoñibles na web de HI despois do nadal, supoño que as van liberando prazas segundo van tendo dispoñibilidades.

Aínda que os albergues poidan parece unha cousa para a chavalada, polo menos ese fin de semana están cheos de corredores que veñen de todas partes, de xeito que a atmosfera é moi boa. Ademais teñen actividades especificas, tipo cea de pasta a noite anterior que está moi animada.

Por ubicación tamén está moi ben situado para ir andando, a coller os autobuses cara á Hopkinton e para regresar andando dende a meta.

Se podes reservar nese hostel, eu non o dubidaría (PD non son comercial do albergue ;-))

Se tes algunha dúbida especifica podes contactarme a través do privado.