Dom, 20 Xul 2025, 8:07
Asunto: Re: Diario de Meigalicix

---

Crónicas da favela: " Abrindo o mercado de verán "

Xa pasou case un mes dende a última entrada no diario, e ningunha destas catro semanas foi exactamente unha semana "standar". Pero vou tendo certa continuidade co ximnasio, e a perna vai recuperando forza.
Hai quince días, falando cun correlega, entereime de que en agosto aínda segue no calendario a Carreira a pe de Lira. E aí entroume o "formighillo", e comecei a botar contas: Se estou a facer saídas de 4 a 5 km trotando media hora , ben me podería atrever coa modalidade de 3 km para ir probando... Así que dito e feito : Xa teño a reserva no hostal de sempre en Louro, e a inscripción cumplimentada, modalidade 3 km. Non hai volta de folla. Isto é volver de verdade... Certo que non vai ter nada que ver con outros tempos gloriosos na Carreira de Carnota, completando heroicamente os 10 km e "cum laude" . Pero volver a ser da partida é un premio xa en si mesmo para min, despois dun ano e medio no que case me chegaron a asegurar que tiña que colgar as zapatillas.

Polo tanto, aínda que sigo a facer case o mesmo, xa non saio a trotar, senón a entrenar. Algún día leveime unha alegría grande, ao ver que facía 5 km a ritmo de 5:35 nas costas de Teis, pero a meirande parte das veces remato ese circuíto a ritmos medios de 6:30 o 7 min/km . O caso é seguir, estar aí. Viva .

A ver que vou conseguindo nestes 15 días que faltan para a carreira.

Dom, 20 Xul 2025, 16:53
Asunto: Re: Diario de Meigalicix

---

Crónicas da favela: " Abrindo o mercado de verán "

Xa pasou case un mes dende a última entrada no diario, e ningunha destas catro semanas foi exactamente unha semana "standar". Pero vou tendo certa continuidade co ximnasio, e a perna vai recuperando forza.
Hai quince días, falando cun correlega, entereime de que en agosto aínda segue no calendario a Carreira a pe de Lira. E aí entroume o "formighillo", e comecei a botar contas: Se estou a facer saídas de 4 a 5 km trotando media hora , ben me podería atrever coa modalidade de 3 km para ir probando... Así que dito e feito : Xa teño a reserva no hostal de sempre en Louro, e a inscripción cumplimentada, modalidade 3 km. Non hai volta de folla. Isto é volver de verdade... Certo que non vai ter nada que ver con outros tempos gloriosos na Carreira de Carnota, completando heroicamente os 10 km e "cum laude" . Pero volver a ser da partida é un premio xa en si mesmo para min, despois dun ano e medio no que case me chegaron a asegurar que tiña que colgar as zapatillas.

Polo tanto, aínda que sigo a facer máis ou menos o mesmo, xa non saio a trotar, senón a entrenar. Algún día leveime unha alegría grande, ao ver que facía 5 km a ritmo de 5:35 nas costas de Teis, pero a meirande parte das veces remato ese circuíto a ritmos medios de 6:30 o 7 min/km . O caso é seguir, estar aí. Viva .

A ver que vou conseguindo nestes 15 días que faltan para a carreira.

Dom, 27 Xul 2025, 11:32
Asunto: Re: Diario de Meigalicix

---

Resumo da semana do 21 ao 27 de xullo de 2025:

- Dúas microsesións de sentadillas e exercicios de ponte de glúteos
- 9 km aproximados de sendeirismo pola reserva de Pewly Down e arredores, en Guilford (UK)
- Unha saída ás Catro Pontes e outra pola Balbarda. Distancias entre 4,5 a 5 km, tempos aproximados de media hora. Os ritmos andan entre 6,5 e 7 min/km . Certo que hai que ter en conta calor e as costas inevitables de Teis, pero a realidade é que despois de ano e medio de parón estou a comezar de cero, e non se poden pedir milagres. Polo menos o xeonllo esquerdo segue normal e respondendo, aínda bo é ...

Dom, 27 Xul 2025, 19:34
Asunto: Re: Diario de Meigalicix

---

Meigalicix escribió:

- 9 km aproximados de sendeirismo pola reserva de Pewly Down e arredores, en Guilford (UK)

Ostras Meiga, si volaste desde Labacolla a Stanstead es posible que fueramos en el mismo avión.

Yo hice senderismo por Londres una semana, y me llegó, no estoy acostumbrado a andar a paso de menores, ni a subir escaleras mecánicas.

Lo que es la vida.

Dom, 27 Xul 2025, 21:22
Asunto: Re: Diario de Meigalicix

---

freakyrunning escribió:

Ostras Meiga, si volaste desde Labacolla a Stanstead es posible que fueramos en el mismo avión. Yo hice senderismo por Londres una semana, y me llegó, no estoy acostumbrado a andar a paso de menores, ni a subir escaleras mecánicas. Lo que es la vida.

Collimos o avión en Peinador... Xa tería sido épico ir a coincidir en Londres

Dom, 03 Ago 2025, 8:39
Asunto: Re: Diario de Meigalicix

---

Resumo da semana do 28 de xullo ao 3 de agosto:

2 sesión de ximnasio, con levantamento de peso morto en barra hexagonal, exercicios de zancada cara atrás e equilibrios
2 saídas de menos de 5 Km ( circuito de ida e volta ás Catro Pontes) . Os ritmos seguen arredor de 6 min/km
2 sesión de agrogym especialmente laboriosas : Unha mañá serrando e cortando unha hedra invasora nun dos minifundios da favela, e outra mañá arrincado ramas das plantas de patacas, e colleitando a primeira tanda noutro dos minifundios . Demasiados xiros para os xeonllos a unha semana vista da carreira de Lira, pero de momento parece que sen consecuencias (cruzo os dedos).

Segundo MeteoGalicia vai haber temperaturas de 26 grados na zona de Carnota e Lira `dentro dunha semana. Despois de estar aquí todo o tempo arredor de 34, case me parece unha temperatura soportable para correr. En fin, a ver que depara o futuro.

Sáb, 09 Ago 2025, 21:43
Asunto: Re: Diario de Meigalicix

---

Crónicas da Favela: XXX Carreira a pe de Lira
Por fin chegou o día. Coas forzas xustas , xa que toda a actividade física desta semana previa foi unha mañá de colleitar patacas, outra de arrincar gramón e pasar a gadañadora eléctrica, e só un entreno ás Catro Pontes igual de lento ca os anteriores. Moito gastar e pouco recargar. A isto hai que sumar outra noite de durmir pouco, co tema de facer todos os preparativos da viaxe.
Finalmente houbo tempo de xantar cedo e con calma, de descansar ben as pernas no hostal de Louro.
Cando fumos coller o coche para ir a Lira , o termómetro marcaba 40 grados ( cousas de estar tres horas aparcado ao sol).
Menos mal que as medida que nos achegabamos a Lira o rexistro ía baixando. E xa no Mar de Lira corría unha brisa do máis agradecida.
Recollido o meu dorsal, o utilleiro marchou a darse un baño á praia e eu quedei na área de descanso bebendo un pouco de auga e vendo como se cociñaba o ambiente das categorías infantis.
Tiña preparada na equipaxe unha dose de gominolas enerxéticas, por non perder a tradición, pero coa ansia de marchar e a miña mala memoria, quedaron na habitación do hostal.
A última hora a xente da organización cambiou a orde da saída das carreiras, e a de 3 km saíu ás 19:20 en lugar de as 19:30.
Pilloume o asunto totalmente fóra de onda, e xa estaba todo o mundo marchando cando me decatei que era a miña quenda. Así que me fun ó arco de saída con polo menos cinco minutos ou máis de diferencia, facendo un pouco o ridículo alí soa e a destempo, pero que lle iamos facer.
A carreira arrincaba por un camiño de trail polo medio do piñeiral de Lira, costa arriba considerable. Logo había que meterse por Portocubelo, sorteando carreiros estreitos e un tramo de escaleiras. Pero o peor estaba por vir, asfalto puro e duro en costa arriba, sen sombra e polo menos 27 ou 28 ⁰ C, así ata aldea de Miñarzo. Milagrosamente fun quen de ilo facendo sen pararme a andar . Pouco a pouco fun adiantando posicións , pero como o remate da carreira era costa abaixo, aí volveron a adiantarme varias das persoas rebasadas.
Finalmente pasei o arco de meta. 3,5 km e máis de 23 minutos, o que da un ritmo lentísimo. Realmente nos últimos entrenos non estaba correndo máis rápido, en tendo en conta o calor é o perfil da carreira, aínda menos mal. E despóis do "Perico Delgado" que me marquei na saída, ter remontando 24 postos desde o 60, ten o seu punto positivo. Pero o mellor é estar agora tumbada, e non notar as máis mínima molestia no xeonllo dereito.
En fin, non foi un retorno nin moi brillante nin moi ortodoxo, pero aquí estamos outra vez en acción.

Lun, 18 Ago 2025, 6:05
Asunto: Re: Diario de Meigalicix

---

Resumo da semana do 11 ao 17 de agosto:

Só dúas saídas a trotar: o luns por Monte Louro e o mércores ruta de ida a Muros polo paseo da estrada nova, e volta desde a igrexa pola estrada vella.
Cero táboas de exercicios, pero varios paseos pola praia. Espero que surta efecto iso de que andar pola area fortalece a planta do pe.

Agora, xa de volta en Vigo, a ver se recupero o de facer semanas standar ( 2 saídas, 2 sesións de ximnasio e 2 táboas de exercicios na casa), se a vida doméstica e agrícola non o impide.

Dom, 24 Ago 2025, 18:09
Asunto: Re: Diario de Meigalicix

---

Resumo da semana do 18 ao 24 de agosto:

Comecei a semana con varias novidades importantes. A primeira foi recoller as plantillas novas. De momento toca adaptarse a base de só camiñar con elas, e ata dentro dunhas semanas non usalas para os entrenos e ir tirando coas vellas.
A segunda novidade, pero non menos importante, foi o cambio de zapatillas. Ata agora tiña unhas Brooks , pero a talla 36 quedaba aínda un pouco grande para o meu pé e as plantillas bailan un pouco dentro. Por iso ao final sempre acababa levando ás carreiras as New Balance vellas , pobriñas, todas gastadas despois de seis anos de moito trote. Ao final o único que se adaptaba ao meu pé tan pequeno e coas plantillas foron unhas New Balance 1070 v14. As plantillas encaixan á perfección , e por outra banda é o máis parecido a flotar sobre as nubes que se pode experimentar de tan amortiguadas que son . Espero que me duren ben.
Con respecto á actividade física, non logrei unha semana estándar de todo, pero si que cumprín coas dúas sesións de ximnasio e as dúas saídas, que esta vez foron polo vello circuito de Chapela ida e volta.
Todo un desafío, porque ata agora só facía saídas de menos de 4,5 km ou pouco máis , e con isto é casi doblar a distancia (8,9 km).
Costou un pouco, e o ritmo segue en 6:30 min/km , pero o caso é ir facendo , sumando, sen esquecer que estou comezando de cero despois de tanto tempo. Non sei se o corpo me vai dar algún día para volver a entrenar a ritmos de 5:40, pero o caso é seguir con vida ( cousa que hai un ano non tiña nada claro)

Mar, 26 Ago 2025, 17:11
Asunto: Re: Diario de Meigalicix

---

Está muy bien Meiga. El caso es seguir corriendo como sea, y eso lo vas haciendo. Sí señora.

Cuida esas plantillas.

Dom, 31 Ago 2025, 10:54
Asunto: Re: Diario de Meigalicix

---

freakyrunning escribió:

Está muy bien Meiga. El caso es seguir corriendo como sea, y eso lo vas haciendo. Sí señora. Cuida esas plantillas.

Grazas polos ánimos coma sempre, Freaky.

Esta semana foi un calco da anterior: Dúas sesións de ximnasio, pouco leiragim realmente, e dúas saídas ata Chapela. Hoxe por primeira vez o ritmo medio baixou a 5.55 min/ km, con certa dose de suor e pulsacións altas, pero aí estamos, así que por esa banda imos progresando adecuadamente.

O mosqueante é a tensión tan baixa que teño algúns días . Sempre fun moi extraterrestre para certos temas físicos, un deles é o de moverme sempre entre 8 e 9 para a máxima e 4,5 a 5 para a mínima. Pero é que este venres estiven en 3,7 e 8. Facer fago vida normal, no caio para os lados , pero mellor ir ao médico e que lle bote un ollo. A ver que me di.

Sáb, 06 Set 2025, 20:55
Asunto: Re: Diario de Meigalicix

---

Resumo da semana do 1 ao 7 de setembro:
Desta volta quedeime só coas dúas sesións de ximnasio, porque o corpo non dou para máis... O asunto é que nos días que habitualmente podo entrenar tiven que poñerme con outra actividade física bastante esixente: Axudar a mover de sitio dous metros cúbicos de area de obra.
É o que ten vivir na favela, que os camións de reparto só chegan ata onde poden, e o resto da viaxe das mercancías polo labirinto de calexóns tense que facer a forza de capacho e carretilla . A verdade que daba para un enunciado da Enciclopedia Álvarez: Se 3 persoas levan 2 capachos por carretilla en dúas sesións de 3 horas, calcula cantos kilos levou cada unha e cantas viaxes lles tocou que facer .
En fin, o cálculo non o fixen, pero estou chea de maniotas e non me pedía o corpo ir correr. A ver se polo menos mañá o dedico a estiramentos, e xa tratarei de que a semana que ven sexa "standar"

Ven, 12 Set 2025, 17:19
Asunto: Re: Diario de Meigalicix

---

Ahí está. Matemáticas aplicadas, a estas edades.

Está mi hija empezando a correr y a hacer remo, y tengo matemáticas aplicadas también. Cosas de vatios. La chavala ve que su viejo canoso desarrolla durante dos horas en la estática una media de 200 vatios, sin pausas, mientras que ella hace 3 minutos de 80 en remo y casi la palma de ahogo. Pero es capaz de hacer 7 dominadas y yo sólo una.

Bendita juventud, benditas matemáticas.

Dom, 14 Set 2025, 14:33
Asunto: Re: Diario de Meigalicix

---

Resumo da semana do 8 ao 14 de setembro:

Desta volta si que conseguín facer as dúas sesións de ximnasio e as dúas saídas ata Chapela. Por esa banda obxectivo cumprido , pero isto de ter estado quince días sen correr pasoume factura: nas dúas rodadas desta semana atopeime moi frouxa de máis, e cos glúteos moi sobrecargados. Así que saíron uns ritmos moi lentos.
Antes de que as molestias vai a máis, estou a alternar sesións de frío e calor, e mañá no ximnasio haberá que facer cambios nas táboas de exercicios.
Outra das notas desta semana é que xa me deron os resultados da analítica e xa fun ao médico de familia a entregalos. A análise de urina perfecta, o do colesterol, transaminasas e similares tamén ben. Pero no dos glóbulos brancos e vermellos , o ferro e o cortisol había uns cuantos asteriscos. Pero este médico que me atende non lles deu migalla de importancia . E co tema da tensión baixa, pois vese que é debido a que teño baixas adrenalina e a dopamina e que para iso non hai tratamento ( tampouco me dixo posibles causas nin lle debe importar cales son ). Que tome cousas con sal e para adiante... En fin , non sei se me paga a pena buscar unha segunda opinión. Iremos vendo segundo me atope nas vindeiras semanas

Lun, 22 Set 2025, 10:47
Asunto: Re: Diario de Meigalicix

---

Resumo da semana do 15 ao 21 de setembro:

- Luns : ximnasio
- Martes: Leiragym
- Mércores: Ximnasio
- Xoves: Circuito de ida e volta Chapela
- Venres: Descanso
- Sábado: Circuito de ida e volta Chapela
- Domingo: descanso

Igual de lenta e sobrecargada de glúteos que a semana anterior, pero con mellor recuperación (máis parches de frío e calor e mellores estiramentos).

Se nesta nova semana logro meter na ecuación táboas de reforzo de glúteos, para facer en casa en martes e venres, xa sería perfecto.

Imos vendo.