Xov, 06 Mar 2025, 9:13
Asunto: Maratón de Valencia 7/12/2025

---

En vista que van saíndo corredores para o maratón de Valencia noutros fíos, pois xa creo o seu propio.

No meu caso será xa a sexta vez que corra dito maratón (mais outras tantas a media), se alguén precisa de algo de información que pregunte...

O obxectivo deste ano sería baixar de 2h55 para ter mínima para algunha Major no meu grupo de idade, xa veremos se non me paso de ambicioso E se os números non van saíndo pois tentar mellorar a marca do ano pasado 2:59:12, e senon como última opción, pero non menos importante, desfrutalo como saia.

¿Quen mais será da partida?

Xov, 06 Mar 2025, 9:23
Asunto: Re: Maratón de Valencia 7/12/2025

---

Por si algún corredor está interesado en ir, e está sen dorsal, comentar que é bastante doado (que non barato) conseguilos a través de xente que decide non ir, o custo actual do dorsal, prezo que se paga directamente á organización (non hai posible negocio de compra-venda) sería de 200€ de dorsal + 5€ de xestión + 5€ de licenza (opcional se estades federados)
Actualmente sei de unha persoa que non vai ir e faría o cambio de titular, por si queredes que vos facilite directamente un contacto..

O punto mais importante se estades pensando en ir, sería ir buscando xa o aloxamento, que iso si que sube sen parar.

Xov, 06 Mar 2025, 12:21
Asunto: Re: Maratón de Valencia 7/12/2025

---

Eu tamén andarei por Valencia, diosmediante, e do Brutanzos están confirmadas a día de hoxe 3 persoas máis. Tamén coñezo xente fora do clube que vai; de feito moitos dos maratonianos que coñezo están anotados ou interesados en acoder a Valencia. Por eso digo, que sería interesante saber cantos galegos andaremos por alí o 7 de decembro (e que despois algúns sigan decindo que non hai quorum para este tipo de carreiras).

Xov, 06 Mar 2025, 15:48
Asunto: Re: Maratón de Valencia 7/12/2025

---

Eu tamén!! Quinta consecutiva. Realmente o obxectivo será tentar coma sempre ser sub3h. Se repito marca do ano pasado con 2h55 xenial!! No caso contrario tamén xenial!!!

Sáb, 14 Xuñ 2025, 19:08
Asunto: Re: Maratón de Valencia 7/12/2025

---

Nos da zona de Pontevedra tamen vamos 4/5

Dom, 17 Ago 2025, 10:35
Asunto: Re: Maratón de Valencia 7/12/2025

---

Bos días.
Aquí outro máis que vai a Valencia (no meu caso desde Vigo).
O dorsal conseguino fai nada polo sorteo de New Balance. Será a miña 2ª maratón despois de Madrid, tendo en mente Boston o ano que ven. A ver cómo se da, que me peguei un bo trastazo a finais do mes pasado e teño o xeonllo esquerdo tocadiño... Ao mellor cae unha resonancia

Iso si, agora está a cousa ben cara no tema de aloxamento e aínda teño que pensar o plan da viaxe!
Así que, se alguén ten oco para viaxe e/ou aloxamento, estaría moi moi agradecido

---

Every new beginning comes from some other beginning's end.

Mar, 26 Ago 2025, 21:02
Asunto: Re: Maratón de Valencia 7/12/2025

---

Co tema da viaxe á Valencia nós case seguro iremos en ave desde Ourense. Xa o fixemos así unha vez e a verdade que é moi cómodo e deixache en plena cidade. Ademais co desconto da carreira pois afórrase algo que este ano sendo o luns festivo a cousa está careira...E tendo que pagar o meu e o do meu fillo...
De aloxamento nós sempre quedamos no mesmo. Un airbnb nunha habitación nun piso bastante preto da saída (de feito vou andando)e que xa temos confianza coa persoa que vive no piso.

Xov, 11 Set 2025, 19:57
Asunto: Re: Maratón de Valencia 7/12/2025

---

Graciñas polas pistas Xertiz. O de ir en tren xa o tiña en mente (no meu caso dende Vigo),
O tema é que ao estar pendente de se quedo con xente, as opcións van indo a menos -xa hai trens cheos-. No caso do tema do aloxamento, non se me dera por mirar en AirBnB. Fixen ben en preguntar por aquí

Unha pena que a xente que coñezo xa teña amañado (agás un que está pensando en non ir, polo tema dos voos cancelados) porque ao ser un só resulta máis caro, aparte de facerse a viaxe bastante máis pesada. Sigo tocando en varias portas, a ver se hai sorte. Se non, ao mellor paso de todo e uso a inscrición deste ano a "fondo perdido" para garantir a posible inscrición do ano que ven.

Ao final, no caso de ir, vaime sair máis cara a broma co dorsal gratis (polo tema dos extras) que se o collese ao principio!

---

Every new beginning comes from some other beginning's end.