Lun, 01 Xan 2007, 17:02
Asunto:
Mañan do máis peculiar para a práctica do deporte, en primeiro lugar, facía sol, cousa sorprendente para os que pola noite tivemos que soportar o torrencial entre cacharro e cacharro.
En segundo lugar porque eu e o meu compañeiro (en fin, se estivestedes me ides recoñecer porque eu era o que se estaba partindo de risa xa que el quería correr co traxe de pola noite) iamos de reenganchada, dende a san silvestre de Ares ata a capela de Chamorro, sen parar de cantar sen parar a durmir.
Eu pretendín ir algo máis "casual sport", fun quen de darme unha ducha rápida, espabilar coa axuda dun café cargado as 10 da mañan e poñer o chándal.
A verdade é que me costou moito convencer ao meu colega de que se puxera un pantalon de deportes, pois subir de garabata a chamorro está ben, pero penso que corresponde máis a outro tipo de actividades, eclesiasticas, e fai que o Via Crucis sexa demasiado lastimoso.
Así que despois nos diriximos a falar co señor que nos avisou en Ares da existencia da carreira, lle explicamos o problema que tiñamos pra deixar a roupa no meu coche, estaba no centro de Ferrol (cando marchei a casa era consciente das miñas limitacións), ofreceunos unha parte do seu maleteiro pra deixar todo tipo de enseres (matasuegras incluido).
Por ser francos eu penso que o meu compañeiro empezou a superar os problemas de alta concentración etilíca xa chegando á cima, se non fumos os últimos pouco faltou, e pasou a estado semi sobrio cando tomamos un excelente chocolate. Impresionante.
Despois baixamos cómodos, dous amigos nos marcaron o ritmo e foi xa unha delicia, claro era costa abaixo.
coñecimos a un señor que non nos dixo o nome, de barba e moi bo tipo, enrolouse moito con nós, igual lle dábamos pena, e non me estrañaría, jajjaja, se é do foro mándolle dende aquí as grazas, e coma non tamén aos dous amigos que nos prestaron un oco do maleteiro e nos marcaron o ritmo.
Fenómenos todos, por madrugar un día coma hoxe...
Perdón polo rollo.
