Dom, 18 Dec 2016, 0:02
Asunto: Re: Diario de Meigalicix (polo 20% e subindo)
"Crónicas da favela: Eigth days a week"
Aos Beatles dábaselles moi ben. E iso sería o que eu necesito: Semanas de oito días. Pero coma as miñas só teñen sete, así o resultado ven sendo que só me da tempo para facer unha sesión de ximnasio e dúas de entreno, en lugar dese mínimo de 3, con 27 km en conxunto.
Total, que desde que fun ó ximnasio no martes, ata hoxe sábado, non fun quen de encontrar un momento. Poderíalle botar a culpa á carga de traballo, ó mal tempo que fixo o xoves, pero para que nos imos enganar, seguimos nesa onda de pirguiza, motivación frouxa, etc,etc.
A verdade é que hoxe , con este sol radiante non había desculpa... Por fin ás 13:45 saín a facer os deberes que me manda Jota semanalmente, e que acaban sendo unha especie de "fartlek de piscifactoría". Digo isto porque algúns consideran que o meu circuíto de Chapela, con ter case 9 km non deixa de ser unha "pecera", e dada a a calidade insípida do que consigo, vaille máis o de piscifactoría que dicir que é "do pincho" ou "da ría".
O único que podo dicir ó meu favor é que hoxe fixen a serie completa : quecemento, 1,2,2'5, 3, 2'5,1'5, 1 e estiramentos, e logo a sucesión de 1,5 lento +1 rápido x 10 veces . Hoxe como era a pleno día, e de sol, non houbo problema para seguir a cronometraxe do garmin. Jota dixérame que para non andar pendente do cronómetro podía facelo por distancias, marcándome puntos de referencia no traxecto... Pero hoxe xa me din conta que serían demasiados puntos de referencia nos que fixarse e non teño tanta memoria para iso. Mellor facer isto de día e con luz, seguindo o cronómetro.
O caso é que a perna dereita queixouse moito, e non me sentía eu acelerando de abondo nos tramos rápidos. Revisados os rexistros do Garmin a cousa non saliu moi diferente dos dous intentos anteriores: Picos fortes de 4:30 min/km ou menos, e pasos lentos de 7, 8, 9 min/km.
Conclusións que saco: Pois que se a fisio me dixo que probara a ver como me ía en 15 días, está claro que terei que volver. E por outra banda , chegoume un correo informativo da CCN de Lugo, que a Nocturna coa que comeza o circuíto vai ser o 14 de xaneiro, menos de un mes... e xa lle teño collido o gusto a facela, e lograr rematala a un ritmo de 4:55 ( que ven sendo o meu record persoal) . Vamos que isto é un querer e non saber se se vai poder ... Por qué estaremos tan tol@s? (aínda que a todo hai quen gañe, que sei dalguén que o día de fin de ano vai facer doblete e aínda sacar tempo para cear coa familia)