Mér, 26 Dec 2012, 9:26
Asunto: Re: VIII Carreira Popular "MAR DE BOIRO"-6º Memorial Pepe Buceta
Bueno, unha vez rematada a proba e logo dunha semana para que os participantes expresaran as súas opinións, é de recibo que a organización tamén dea a súa.
- Estamos totalmente de acordo cos que comentades o problema dos coches. De feito, para nós é unha gran derrota non cumprir á perfección con este aspecto, pois é o noso principal obxectivo: a seguridade dos corredores. Sabemos onde estivo o erro este ano, así que para a vindeira edición será o noso reto principal, no que poñeremos todo o noso empeño, podedes estar seguros.
- En canto aos premios acumulativos, na organización tratamos moitas veces este tema, e valoramos máis acumular os premios que darlle un terceiro premio a unha persoa que realmente quedou cuarta... Pero bueno, os que critican este aspecto tamén teñen razón, que é boa idea repartir máis os premios, así que valoraremos este aspecto tamén para o ano que ven.
- Para as dúas persoas que se perderon... a verdade é que non sabemos o que dicir... pois é a primeira vez que nos pasa e non sabemos onde se produciu iso, pois é realmente difícil perderse neste circuito, pois hai voluntarios nos cruces e, a non ser que se colla un cruce secundario pois un non se pode perder... Pero bueno, para o vindeiro ano insistiremos neste aspecto e pintaremos no chan o percorrido para que os corredores non teñan ningún tipo de problema.
E polo resto xa vos podedes imaxinar, o tempo que fixo o domingo dificultounos en todo o desenvolvemento da carreira; carteis sinalizadores arrancados pola chuvia, dorsales desfeitos, praza do concello inundada... pero bueno, son cousas que veñen así e nós temos que torealas no momento o mellor que poidamos.
Esperamos, eso si, contar coa axuda non só de voluntarios, senón de máis forzas de seguridade que nos axuden a controlar o tema da seguridade na proba, pois ano a ano recae en mans de voluntarios un aspecto que cremos que debe corresponder a outros colectivos.
Dende a organización pedímosvos perdón polos fallos que puidemos cometer e, sobre todo, agradecémosvos a todos (VALIENTES) que estivéchedes en Boiro nadando polas rúas ao longo dos 8 kilómetros e medio...
E grazas tamén a todos os que participades neste foro, pois as voas opinións, críticas e alabanzas son aspectos que sempre temos en conta para, nin máis nin menos, mellorar a proba ano a ano.
Grazas unha vez máis e boas festas a todos.
