Xov, 02 Feb 2012, 2:17
Asunto: I Carreira por Parellas “obarcon amora”
A Asociación Centro Comercial Aberto O Barco, en colaboración coa Delegación F.G.A en Valdeorras organiza a I Carreira por Parellas “obarconamora”.
A carreira absoluta será por parellas e tamén haberá probas de promoción para as categorías menores. Trátase dunha proba oficial da FGA, que se desenvolverá o vindeiro 12 de febreiro, de acordo co seguinte:
REGULAMENTO
1º.- Poderán participar nas distintas probas todos aqueles que o desexen, nas categorías seguintes:
. Pre-benxamín: Nados/as nos anos 2005 e posteriores.
. Benxamín Feminino: Nadas nos anos 2003-2004.
. Benxamín Masculino: Nados nos anos 2003-2004.
. Alevín Feminino: Nadas nos anos 2001-2002.
. Alevín Masculino: Nados nos anos 2001-2002.
. Infantil Feminino: Nadas nos anos 1999-2000.
. Infantil Masculino: Nados nos anos 1999-2000.
. Absoluta: Nados no ano 1998 ou anteriores
Na carreira absoluta, que será por parellas, establécense as seguintes categorías:
•Categoría parella mixta (home+muller).
•Categoría parella masculina (home+home)
•Categoría parella feminina (muller+muller)
Só en casos excepcionais, admitirase a participación na carreira absoluta de atletas nados despois do ano 1998.
O horario da proba será o seguinte:
HORARIO CARREIRA DISTANCIA
12:00 NENOS-AS PREBENXAMÍN 150 m
12:10 BENXAMÍN MAS-FEM 250 m
12:15 ALEVÍN MAS-FEM 500 m
12:20 INFANTIL MAS-FEM 1000 m
12:30 ABSOLUTA 3000 m
2º.- As INSCRICIÓNS deberán estar en poder da organización antes do día 10 de febreiro do 2012. (Só en casos excepcionais e debidamente acreditados se admitirán inscricións o día da proba, e pecharase a inscrición as 11:15 h da mañá do día 12 de febreiro).
3.- As inscricións faranse na páxina web da Delegación Valdeorresa de Atletismo ou no local desta Delegación (no campo municipal de Calabagueiros, de luns a venres en horario de 19:00 a 21:00 h), ou chamando ao telefono 988 321150.
4.-A retirada de dorsais realizarase na mesa habilitada para tal fin na praza de José Otero, o día 12 de febreiro, en horario de 10:30 a 11:30 h.
5.- As parellas que participen na Carreira absoluta irán atadas polos pulsos cun lazo que se entregará, xunto cos dorsais, na mesa habilitada para tal fin na praza de José Otero, o día 12 de febreiro, en horario de 10:30 a 11:30 h
5.- Tódolos participantes terán asignado un dorsal, que se corresponderá coa categoría e circuíto a realizar, que irá situado no peito e que terá que ser visible durante o desenvolvemento da proba.
6.- A organización establecerá controis durante o transcurso da proba polos cales terán que pasar os participantes para non ser descualificados.
7.- O peche do control será 30 minutos despois de que entre o 1º clasificado en meta.
8.- Premios e agasallos: Entregaranse trofeos aos gañadores de cada unha das categorías da carreira absoluta, medallas aos 10 primeiros clasificados do resto de categorías, e sortearanse ceas nos restaurantes do “barcoaberto centro comercial”.
Haberá agasallos para tódolos participantes.
9.- As reclamacións deberán ser feitas verbalmente ao xuíz árbitro, non máis tarde de 30 minutos despois de comunicarse oficialmente os resultados. Se son desestimadas por este poderase presentar reclamación por escrito e acompañada dun depósito de 100 euros ao Xurado de Apelación.
10.- Serán motivo de descualificación, entre outras, as seguintes causas: non realizar todo o circuíto da carreira, non levar dorsal ou manipulalo, falsificar os datos persoais.
11.- Todo o non disposto na presente normativa rexerase polas normas de Competición da FGA, RFEA e IAAF para a presente tempada, así como todo o regulamentado por instancias superiores.
12.- O descoñecemento de este regulamento non exime do seu cumprimento.
13.- Por tratarse dunha proba popular non se atenderá ningunha reclamación.
