Ben, pois xa estamos coma todo-los anos. Mirese para onde se mire, o que se ve é unha columna de fume. A pesar de que telegaita teña enviados especiais a todas e cada unha das romarías de toda Galicia por pequena que esta sexa, e apenas digan nada sobre o que estar a suceder nos nosos montes, agochar o problema, non fai desaparecer o problema. Levamos máis de 24 horas vendo dende Boiro como arde a parroquia de Cures case por completo. O Xoves vimos arder A Curota, no son tamén ven arder o seu monte, e dende a AG-11 no seus puntos máis altos vense moitas columnas de fume na outra beira da ría.
Agardo que quedemos lonxe do acontecido no 2006, pero como non chova cedo, a cousa podelle andar por aí.
Os montes están secos, sucios e non so pola maleza e a incultura popular de moito descerebrado, que por desgraza campa as suas anchas por estes nosos montes, fan cunha vez máis teñamos que ver como destruimos un dos nosos bens máis valiosos, ainda que non o sepamos.
Cando un pasea polos bosques e fragas da Rioxa, Aragón, Navarra, Burgos, Soria... dase de conta que ter unha mása forestal grande limpa é posible. Alí coidan o monte, alí queren o monte, saben que é unha gran fonte de ingresos , aprezan o que teñen, e non hai tanto mameluco descerebrado, entre outras cousas, porque alí, a estes, os veciños enseguida o poñen no seu sitio, xa que non lles da todo igual, e senten o monte como algo seu, e non queren que ninguén estropee o que é deles. E porque as comunidades de montes fan os seus deberes todo o ano e o coidan, e non son unha banda de palanquíns que ven o seu monte sucio e lles dea igual.
Unha vez máis, os galegos estamos a dar unha imaxen penosa e lamentable de como tratamos a nosa terra.