Mon, 07 Oct 2024, 19:34
Post subject: XXXIII M. MARATON AVILÉS 03/11 (CRÓNICA)

---

Aproveitando a ponte de todos os santos, correrei esta media maratón a cal xa fixen hai moitísimos anos, ainda que o percorrido non se parece en nada.
Acabo de inscribirme agora, xa que mañán pasa de 15 €+3€ da licencia de corredor a 28€, se non tes a licencia.
Poucos inscritos, neste momento só 208, algún máis o fará antes de que remate o día, pero non imos ser moitos corredores.

Toda a información aquí: www.321go.es/Carrera/D...aavilesina


Last edited by Kurty on Mon, 04 Nov 2024, 21:41; edited 1 time in total

Sat, 26 Oct 2024, 16:27
Post subject: Re: XXXIII M. MARATON AVILÉS 03/11

---

Rematado o prazo de inscripción cun bo número de inscritos, somos 439, unha cantidade xeitosa para unha media maratón.
En 8 días voltaremos a estar na liña de saida doutra media maratón.

Mon, 04 Nov 2024, 21:41
Post subject: Re: XXXIII M. MARATON AVILÉS 03/11

---

Rematada a media de Avilés, a cal correra no 2012, non pensaba que facía tantos anos e dende o 2016 que non corría en Asturias, estando ahí o lado.
Chegamos con tempo a Avilés, xa que fixemos noite de regreso de Cantabria a 17Kms da saida. Aparcados a 300 mts. da saida e recollida rápida de dorsal, breve quecemento e para a saida. Hora de comenzo as 10:30 e cun sol radiante. Non eramos moitos, así que saida fluida, os primeiros kms. un continuo sube e baixa por Avilés, podendo aproveitar as sombras dos edificios. No km. 3'5 collo a "lebre" de 1h40', que ia un pouco máis rápido e como noto pesado o estomago, por almorzar bastante no buffet do hotel e tarde, xa que abría as 8:30, decido quedarme alí, pouco a pouco vai ralentizando o ritmo e xuntamonos un bo nº de corredores.
A temperatura vai subindo e cada vez atopome máis incomodo pola calor, (23º),pero decido seguir no grupo, xa que estamos na parte máis fea da media, varios kms. por un polígono, similar a media de Coruña. Km. 10 en 47 alto.
A partir do 13 descolgome un par de veces e xa ao paso do avituallamento do 15, collo 2 botellíns e ralentizo a marcha, ese km. en 5'02".
Así que toca modo supervivencia e collo un ritmo cómodo para chegar a meta en 1h40'59", xa que os derradeiros kms. son bastante chans, exceptuando un par de subidas, sobre todo unha larga e dura do 19 ao 20 e buscando unha sombra na que me resguardar para recuperar.
Duchas cerquiña da meta e a xantar a Luarca, ca familia de Ribadeo. Media moi correcta en todos os aspectos e para repetir, pero espero non tardar outros 12 anos.