Mar, 28 Feb 2017, 12:40
Asunto: Re: Diario de Sonsuso
Grazas
beuckelssen e
cK13! Non estou habituado a ter planes nin entrenar con tanta frecuencia, entón prefiro non desgastar nin corpo nin cabeza e chegar fresco ás últimas semanas. Non me agobia tampouco o obxectivo de sub3h, pois realmente non sei ata que punto é realista. Pero si é unha referencia á hora de encarar o plan da maratón.
Sobre a media do domingo, a miña máxima preocupación era non comezar demasiado rápido. O chico co que fun dixérame que se deixaba levar por min, e eu non tiña moi claro en que ritmo estaría cómodo. Entón, como el fixera varias carreiras de 10km en 45' e en principio non debería ter problema en manter un ritmo de 5'/km, decidín comezar neses 5'20"/km-5'30"/km para asegurar. Pero como dis beuckelssen, vimos que íamos cómodos a 5' baixos, e decidimos manter (por sorte saiu ben!).
Maseda, a ver se para futuras medias podo estar nese grupetto que facedes nas medias ti, Sanmikel e Mateo, entre outros.
Día 51: martes 28 de febreiro de 2017
Plan Maratón: semana 2, día 9
30' (5'15'' aprox de media) + 30' de rodaxe de forza ao redor do Monte da Condesa (escaleiras e costas)
Total: 11,760 km, 1h04'13''
De novo, volvín quedar con Gefreiter a primeira hora da mañá. Tras unha breve rodaxe suave de case 30' na Alameda, fomos cara o Monte da Condesa. Alí fixemos unha especie de circuito para alternar costas e escaleiras. Foron outros 30 minutos. Para rematar, arredor dun quilómetro máis ata casa.
As pernas hoxe si que estaban cansas. Acabei mellor do que comecei, pero ao principio notábase a resaca da media de Coruña e das costas de onte. Así que contento. Porque como xa teño dito, a forza é algo que non traballara demasiado ata agora, e o corpo está respondendo moi ben. Aínda que bueno, tampouco son sesións moi duras (quizais a do Pedroso da semana pasada si foi bastante máis intensa).
Finalmente sairon 11,970 km en 1h01'55''.
Remata
febreiro con 188,18 km. Penso que é unha boa cantidade de quilómetros, e de maior calidade que en
xaneiro (108,29 km). Sobre todo as dúas últimas semanas, nas que fixen 56,370 km (última do preplan) e 62,177 km (primeira do plan).