Mar, 24 Abr 2012, 19:00
Asunto: Re: MARATON DE MADRID ROCK&ROLL
Lendo os vosos comentarios éntrame envexa.Cada costiña da primeira media e cada repeito da segunda levoos clavados nos meus riñóns.Fai dous anos que non corro a de Madrid, organizada polo que foi u meu clube nos oitenta, daquela tiña un trazado bastante máis favorable que agora, con aquel trazado estou seguro de que tanto Elias como Ramallo andarían no entorno de 2:15 o domingo pasado.
O que ten a maratón de Madrid é que na primeira metade desgasta moito cos tobogáns e cando se chega á Casa de Campo despois de subir aquela costiña de douscentos metros éntrase nunha costa suave de case tres quilómetros que che fai pensar e dubidar, inconscientemente empézase a aforrar forza, sicolóxicamente penso que é o momento da carreira no que máis forte hai que estar, porque ao dar a volta no Batán báixase pola sombra e recupérase o ritmo, despois ven aquela subidiña seguida dunha baixada forte ata o trinta e catro.
Ata aquí penso que hai unha carreira e dende aquí hai outra, para min sair da Casa de Campo é facer a primeira metade, dende ahí ata Atocha é un suplicio e dende Atocha ata a porta de entrada ó paseo de coches unha agonía que comeza no puto repeito de entrada a Alfonso XII.Fai catro anos tiven que parar alí e case non podía andar despois,o trazado actual foi diseñado por un sádico.
Felicidades a tódolos que fostes.