Foros ›
Autor
Mensaxe
karris

Foreiro Xuvenil
Foreiro Xuvenil
16/10/12
16 Carreiras
349 Mensaxes

Respostar citando Envío Ven, 31 Ago 2018, 8:57
Asunto: Reykjavik marathon 2018

Boas,

Como o pasado 18 de agosto "sufrín" en primeira persoa esta maratón islandesa, quería compartir con vós a miña experiencia e recomendarvos esta carreira.

A maratón de Reykjavik organízase en conxunto coa media maratón (que sae ao mesmo tempo) e cunha carreira de 10km. A carreira é un sábado, para facela coincidir coa noite cultural de Reykjavik. Este evento consiste en concertos, programas para nenos, museos e galerías abertos todo o día e toda a noite, con ofertas culturais especiais, creando un escenario moi especial que atrae a miles de persoas á capital nórdica.

A inscrición ábrese no mes de xaneiro. Comentar que este ano tiveron un problema (debeulles conxelar o servidor :P) e non estivo operativa a súa web para a inscrición ata mediados de xaneiro, se non lembro mal. En canto ao prezo, e tendo en conta o nivel de vida en Islandia, non é demasiada cara no primeiro tramo, polo menos.

A recollida de dorsais podía ser xoves e venres previos á carreira, pola tarde, nun pavillón de exposicións, ou o mesmo día da carreira (recoméndase evitar esta última opción). Co dorsal e o chip de zapatilla regalaban unha camiseta, pero cando chegamos (venres a última hora) xa non quedaban (era algo que tamén se comentaba na inscrición).

A carreira comeza ás 8.40h, pero tendo en conta o cambio horario, non é nada madrugadora (eu espertaba tódolos días sobre as 5-6am, cando o día xa estaba alto :D). Hai gardarroupa na saída (no Laekjargata, antigo parlamento, o edificio máis grande de Reykjavik :O), pero é caótica e sen control: danche unha bolsa onde apuntas o teu número de dorsal e o deixas nunha sala aberta a calquera. Nun lugar onde deixan aos nenos pequenos no exterior sentado no carriño mentres os pais fan as compras ou toman un café, non é de estranar que non pensen en roubos. Foi unha sensación de extrema seguridade que nos acompañou en toda a viaxe.

A saída, como xa comentei, é conxunta coa media maratón. Non hai pacers para a maratón, pero si para a media (sen embargo a uns ritmos a partires da 1h40m). Tampouco hai control sobre a posición na que saes, só indicacións de onde debes estar pola marca que pensas vas facer. Por iso os selfie-runners compartían espazo cos corredores de elite, e durante os primeiros quilómetros fumos adiantando a moita xente. Sen embargo, tendo en conta que na maratón eramos 1000 corredores aprox e na media 2500 aprox, e a saída era nunha avenida bastante ancha, nunha houbo problemas para poder correr.

O ambiente previo á saída é magnífico. Moita xente, música, saída en pleno centro da cidade... e o pacto que ten a maratón para facer que o día, no medio de semanas de chuvias, sexa soleado!

A maratón comparte o percorrido coa media durante os primeiros 18 km. O perfil deses primeiros 18km é cáseque chan todo o tempo, tan só unha pequena "tachuela" no km 5 e despois unha subida longa pero tendida no km 14 de un pouco máis de un quilómetro. Sáese por unhas zonas axardinadas e con estanques (parque hljómskalargadur) para tirar cara o sul en busca do mar, que se amosa no km 2, e despois vaise bordeando a costa da península ata o 5, onde se atravesa cara o norte, para volver cara a zona da saída (cara o Harpa) pasando por unha zona residencial de casiñas preciosas que miran ao mar, e despois o porto de Reykjavik.

Estamos case no km 11 cando pasamos o Harpa, e deixamos atrás as rectas ao carón do mar nas que desfrutamos dunhas das mellores sensacións: correr co vento en contra (feble ao principio, pero sabemos que nos machacará máis adiante), co sol destas latitudes iluminando aos compañeiros que nos preceden cunha luz incrible, botando a vista cara ao mar. É co que me quedo desta carreira.

Foi tamén nesta parte da carreira onde vimos máis espectadores animando, e mesas improvisadas ateigadas de froitas, barriñas e bebidas. Pensaba que estaban demasiado cedo, pero tamén o xustificaba porque despois voltariamos pasar por aquí... pero non. Na segunda volta todas esas ofrendas desapareceran, así como a animación.

A carreira segue pola costa, buscando o leste, ocupando a estrada completamente (así foi dende o inicio). No km 14 comeza unha subida longa (algo máis dun quilómetro) pero tendida. Compénsase un tanto polo vento, agora a favor. No km 16 hai un xiro de 180º, e unha pequena pendente que sumado ao vento (agora en contra) baixa algo o ritmo. O último km antes de separarse a media da maratón é costa abaixo.

No km 18 sepáranse os dous trazados, e nótase de dous xeitos. Primeiro, o número de corredores decreméntase radicalmente. Somos 1300 chegados, pero o primeiro ten un tempo de 2h23m e o último 7h26. Imos moi espallados. Tanto, que en moitos periodos non hai referencia ningunha, non hai corredores diante á vista. Segundo, abandoamos a estrada, e comezamos a transitar exclusivamente por carril bici - sendeiro. Como ás veces non tes corredor diante, tamén debes ir atento ás marcas no chan para desviarte á esquerda ou dereita. E a senda non está pechada para nós, compartímola con xente que vai camiñando, correndo ou en bici, na mesma dirección ou en sentido oposto... Estes son factores que a min me desmoralizaron un pouco, aínda indo sobre aviso.

Ademáis, dende o km 18 ata o 30 comeza a parte rompepernas da maratón. Un continuo sube baixa que machaca as pernas. Curvas pronunciadas en sendeiros estreitos, pasos por baixo de estradas, subidas a pontes que pasan por riba delas... Pero tamén son partes de gran beleza. No km 19-20 pasamos por diante do Hilton e do pazo de exposicións onde recollimos os dorsais. No paso pola media maratón un grupo de cheerleaders nos ameniza a carreira. Pasamos por diante do zoo de Reykjavik, onde teñen un prado con vacas, ovellas, cabras e cabalos islandeses. No km 24-25 pasamos por unha zona moi fermosa, o parque Ellidaárdalur, cun río con pequenas cascadas e moita vida salvaxe. Pero antes tivemos que pasar por riba da autovía por unha ponte de peóns!

Cando remata o sube baixa (aprox no km 30) chegamos de novo á costa, á praia de area branca (a única que vin en Islandia) de Fossvogur (con tubo de auga quente e todo :D). Dende o km 28 ata o 38 temos o vento en contra, moi forte nesta parte, sobre todo cando pasamos bordeando o aeroporto da capital (non confundir co internacional de Keflavik). A parte máis dura da maratón, esquivando bicis e compartindo en ocasións estrada con coches. Pero chegamos a outra ubicación moi especial, o espazo natural de Grótta, un zona húmida onde hai protección para aves coroado por un faro precioso. Deste xeito chegamos ao final da península onde está a capital de Islandia, e os últimos 4 km son xa co vento lateral, non en contra. A xente con froita e ánimos desapareceu, compartimos senda con algún peón que nos anima e voluntarios que cortan momentáneamente o tráfico cando pasamos dun lado ao outro da beirarrúa. Os últimos centos de metros volta a ser de animación e voltan as forzas. Finalizada a maratón, toca devolver o chip, coller unha Viking e bebela ben fresquiña.

Para ilustrar o sós que iamos, a falta de referencias e a imposibilidade de irmos en grupeta, o corredor que entrou antes ca min chegou 1m06seg antes. Non puiden nin facer o sprint de rigor! Razz

Espero que vos animedes a correla. É algo dura pero moi bonita e o país merece a pena. Saúdos!
DoctorSlump

Foreiro Gatuno
Foreiro Gatuno
18/04/07
498 Carreiras
5895 Mensaxes
O Xibao, Tomiño
Respostar citando Envío Ven, 31 Ago 2018, 9:32
Asunto: Re: Reykjavik marathon 2018

Hola, Karris.

Enhorabuena por la experiencia y por la carrera, y muchas gracias por compartirlo.

Pero por lo que cuentas tengo claro que no hago ese maratón ni aunque fuese el último que quedase en el circuito internacional. Otra cosa es la media.

Como el Ave Fénix resurjo de mis lesiones
lfespada

Foreiro infantil
Foreiro infantil
20/08/12
6 Carreiras
76 Mensaxes
Dorneda
Respostar citando Envío Ven, 31 Ago 2018, 9:56
Asunto: Re: Reykjavik marathon 2018

Gracias por la informacion. Muy completa. Este año estuve a punto de ir... a ver si el próximo se puede.
lihto

Colaborador Circuíto
Colaborador Circuíto
12/06/11
606 Carreiras
4686 Mensaxes
K-pax
Respostar citando Envío Ven, 31 Ago 2018, 12:44
Asunto: Re: Reykjavik marathon 2018

Muchas gracias Karris por contar tu experiencia,apuntada queda
corredor101

Maratoniano
Maratoniano
7/04/08
117 Carreiras
4361 Mensaxes

Respostar citando Envío Ven, 31 Ago 2018, 15:57
Asunto: Re: Reykjavik marathon 2018

Gracias por compartir la experiencia.
Yo me la planteé hace unos años, le tenía ganas, pero todo salía muy caro.
Hay cosas que cuentas que me recuerdan mucho al maratón de Helsinki o a algunas carreras de aquí de Dinamarca: lo del sol saliendo tan temprano en verano, lo de las bolsas que se dejan así de aquella manera porque nadie cuenta con que a alguien se le ocurra robar...
alibaba

Foreiro infantil
Foreiro infantil
2/12/08
0 Carreiras
108 Mensaxes

Respostar citando Envío Dom, 02 Set 2018, 9:31
Asunto: Re: Reykjavik marathon 2018

Boísima carreira. Ambente estupendo. E semprecunha Viking. Coincide pola noite ca festa de despedida do verán. Moi concurrida.





Podes publicar novos temas
Non podes responder a temas
Non podes editar as túas mensaxes
Non podes borrar as túas mensaxes
Non podes votar nas enquisas
Non podes adxuntar arquivos
Podes descargar arquivos