Pola parte que me toca en representación do Noitebra, agradecer a participación na carreira de xentiña de Compostela e de todos os rincóns de Galicia. Grazas por vir!
Logo, menuda tarde, unha vez máis, de calor, que fixo sentir máis intensamente o percorrido. Isto é Angrois, señoras e señores
Subir, subimos, pero, pensade que baixamos esa longa costa de 700 metros ata a meta, e non vexades como van os peregrinos da Ruta da Prata cando a suben (facendo xa penitencia
). Circuito sempre esixente, onde a maioría da xente penaliza no seu crono na segunda volta. Por iso tratamos sempre de dar a coñecer previamente por onde vai a carreira, para que cada un faga o seu plan
E así o fixemos durante varios días
Tamén agradecer á organización da carreira, AA.VV., e voluntariado, a preparación e ambientación do evento, coa guinda final con esa entrega de premios co Camiño Real de Angrois ás espaldas dos e das triunfadoras.
En fin, nos sentimos afotunad@s de poder seguir contando con esta carreira de barrio, case, case das de antes, e que serve para facer cidade. E xa toca pensar na seguinte carreira, a Ruta dos Parques, que seguro que non defrauda.
PD: no plano particular, perdón Suso S. por levarte por diante en pleno sprint na meta. Pídelle a M. Cabo que te invite a unha cerveza, que grazas a iso non o papei na meta
E sobre todo agradecer o xesto deportivo de Dani e Miguel, non rebasándome na liña de chegada ao ver o acontecido uns metros antes. Grande chavales!