Dom, 03 Xuñ 2018, 15:21
Asunto: Re: Diario de Sonsuso
Grazas
corredor101! Sisi, se de tempo saiu un 500 moi moi bo! jejeje O tema é que non me atopaba a gusto. Notaba que estaba forzando, sufrindo, e non había necesidade. Así que decidín parar. Florituras dese estilo para outro momento, que o corpo arrastra cansancio e é fácil ter algunha lesión se o forzo con series tan rápidas.
Grazas
Meigalicix! Superpoderes non creo e escamas creo que tampouco (aínda que hai moito que non vou á piscina, terei que probar
). Pero a verdade as cousas están saíndo moi ben. Con pouco que se fagan as cousas ben, haxa continuidade e constancia, e se coiden outros detalles coma o sono ou a alimentación, nótase nos resultados.
Actualizo o diario:
Mércores 30 de maio: descanso
Xoves 31 de maio: descanso
Venres 1 de xuño: descanso
Sábado 2 de xuño: descanso
O mércores e o xoves tiven un congreso na miña facultade, así que xa non contaba con poder saír por falta de tempo. Pero de todas formas, o mércores comecei a atoparme algo mal a última hora da tarde, e de feito acosteime ás 21h. Ao día seguinte tiña dor de garganta e malestar xeral. Continuou o venres e onte sábado xa se convertiu en un trancazo. Así que decidín non saír ningún día e descansar para hoxe, que era a Media Maratón de Ribeira.
Domingo 3 de xuño: Media Maratón de Ribeira
Tocou madrugar, xa que a carreira era ás 10.00 en Ribeira. Así que ás 6.30 xa estaba en pé. Almorcei ben para coller forzas despois de como estaba estes días. Sensación de cansancio e moitas dúbidas sobre como estaría en carreira. Na viaxe en coche con Maseda fomos comentado que tíñamos pensado cada un e que facer. El ía buscar marca persoal en homologada (baixar de 1h24') e eu... non o tiña claro. Non sabía se ir con el e ir a asegurar ou, vendo como me saen as cousas ultimamente, arriscar. Chegamos con moito tempo, pero entre coller o dorsal, ir ao coche, tomar un café e coller o bus que nos levaba a Aguiño, xa só quedaban 15 minutos! Cámara de chamadas, gardarroupa e un pequeno quentamento de 2-3 minutos a trote.
Na propia saída coméntolle a Maseda que vou intentar ir a 3'50"/km e repetir o de Xenebra (1h21' baixo). O perfil non era tan cómodo como alí, pero había que ser ambiciosos e probalo. Se non me atopaba ben, reducir como sempre digo.
Saída rápida. Fago os primeiros metros con Maseda e pouco a pouco distánciome uns metros.
km 1 en 3:42, moi rápido. Pero vou a gusto e nun bo grupiño. A idea é seguir.
km 2 en 3:43,
km 3 en 3:48,
km 4 en 3:47 e
km 5 en 3:44. Ata aquí foi un continuo sube e baixa (máis sube que baixa, xa que todos os kms teñen desnivel positivo: por exemplo +20m no km 5). Entramos en Ribeira. A partir de agora serán 2 voltas a un circuíto completamente chan, excepto unha pequena subida).
Primeiro facemos o
km 6 (en 3:44) ata o paso por liña de meta e comezar a 1ª volta:
km 7, 3:43;
km 8, 3:47;
km 9, 3:54;
km 10, 3:59;
km 11, 3:58;
km 12, 3:50;
km 13, 3:48.
Nos km 10 e 11 o vento era en contra polo paseo, e foi o momento máis duro da carreira. Pensei que ía vir o baixón. Pero ao comezar a callejear polo collín algo de aire e puiden recuperar ritmo, dende ese momento fun moito máis a gusto. Iso notouse no ritmo. Esa 1ª volta, que fixen practicamente en solitario, en terra de ninguén, saiu en 28'25".
Comeza a 2ª volta xusto antes da sinal do
km 14, 3:46. A partir de agora empeza o segundo momento máis duro, sobre todo mentalmente. O corpo non vai a gusto e xa dubido de poder seguir así. Pásame un atleta do Carballiño e metros despois alcánzame outro máis.
km 15, 3:52. Nese momento alcanzamos a un terceiro e, xuntos os tres, collemos bo ritmo ata o final do paseo (onde hai un xiro de 180º):
km 16, 3:48. Recupero as boas sensacións. De feito o
km 17 é máis lento (3:55), pero alcanzo sepárome do grupiño e alcanzo a 3-4 corredores. Manteño no
km 18 (3:54) e tamén no
km 19 (4:00), onde hai está a subida polo centro de Ribeira e tomo un respiro. Nesa subida adiántame un chavalito a moi bo ritmo, anímoo e felicítoo por como está a acabar. Dende aí, 2 quilómetros chans ata meta. Vexo que vou en tempo para baixar de 1h21' e facer marca. Hai que intentalo. O
km 20 (3:51) ten un xiro de 180º, despois do cal acelero e cambio o ritmo. Alcanzo a un corredor e, xa no porto, collo a outro. Paso o
km 21: 3:45. Trinta segundos escasos para facer os últimos metros. Volvo a aumentar o ritmo na curva final para entrar na recta de meta (eses últimos metros saen a 3'18"/km). Entro disfrutando, rápido, pero sen presión. Miro o reloxo, teño menos de 10 segundos! Acelero, e... 1h20'58" marca o reloxo!
Tempo oficial: 1h20'59"
Posto da carreira: 41
Posto no campionato (categoría Senior Masculino): 9
Nova marca persoal! Contentísimo! Non podo pedir máis. Iso si, estou destrozado, vacieime. Saúdo aos que chegaron comigo, acércome a falar con algún familiar que teño en Ribeira e, por último, vou felicitar a Maseda. Carreirón o seu!!! Sub1h22'! Tempazo! Noraboa!
Fixo toda a carreira uns metros detrás miña, así que en cada xiro podía velo e animarlle. Obxectivo máis que cumplido o seu. Así que na volta a casa, os dous máis contentos que unha pasa xD
A verdade é que moi contento (unha vez máis, ata me da vergonza xa dar só boas novas). Notábame algo canso durante a carreira, imaxino que debido a como estiven os últimos días. O que está claro é que as migas sobrantes da maratón seguen funcionando. Estou adestrando moi pouco, pero entre o descanso e que estou competindo cada fin de semana, manteño a boa forma. Agora descansar e recuperar!
Última edición por sonsuso o Dom, 03 Xuñ 2018, 17:25; editado 1 vez