Mar, 17 Mar 2015, 23:19
Asunto: Re: Ferreirúa baja el telón
Mágoa que esta carreira se deixe de celebrar, xa que para min non era unha carreira calquera, para min era "A CARREIRA".
Non terían os recursos e servicios das grandes cidades, pero o superaban con creces en organización e o agarimo co cal as xentes de ali nos trataban.
Gardo o bonito recordo dun ano que me quixen poñer na saida o final de todo, pero non saín o último... Un pouco antes de dar a saida xiro a cabeza e me encontro detrás miña o gran Pedro Nimo, non diante como nas outras carreiras, senón detrás como un máis dos que alí estabamos. Outro ano, teño o recordo de conversar cunha señora maior, sentada nun banco, que me decía con orgullo o bonito que era a súa aldea; outras veces os veciños te invitabab a tomar un grolo de viño, e algún corredor atrevido aceptaba a xenerosa oferta para logo continuar coa carreira; o "aguador" coa sua moto levando as botellas detrás na cesta...
Das outras carreiras sacas os tempos, os ritmos, os postos... pero de ningunha sacarei os recordos que me levo de Ferreirúa.
Mágoa me da saber que o final fumos nos, os propios corredores, os que lle demos as costas a esta carreira. Espero que recapacite a organización e tamén o fagamos os corredores; e que isto seña só unha pausa e non un ata sempre.
Os que alí estivemos teremos uns nostalxicos recordos, pero os que nunca tiveron ocasión de ir non saberan o significado de correr en
FERREIRUA.
Club: ESPRINTES OURENSE.
www.esprintesourense.com