Dom, 01 Xuñ 2014, 21:37
Asunto: Re: diario de CORRIN..empezar a correr desde cero
Corrín, tes sorte de polo menos quedar con outras persoas de cando en vez segundo os turnos de traballo. Eu directamente non teño ninguén que comparta este vicio non meu entorno inmediato. Certo que contadas veces coincido con Beauvais, pero como digo tantas veces, somos veciños e compañeiros pero "corremos en planetas diferentes". O mesmo pasa cos amigos do meu home que cada ano se preparan para a Vig Bay, entrenan a outras horas, e para no baixar do seu ritmo de 4:30 min/km... Asi que o meu estado natural é correr soa. Certo que non tes o incentivo de ter alguén que tire por ti e te faga rendir máis, pero tamén é un momento de relax, de estar a soas descargando o corpo e a mente das tensións do día. Xa teño asumida esta soedade. A única excepción son eses días previos e posteriores á carreira de Carnota. Alí a veces teño a sorte de correr a acompañada polo faro de Louro. De Louro a Muros non é nada , así que aínda que non te animes a competir , si que estaría ben quedar e correr xuntas, na previa , ou na recuperaciòn da carreira.
O de por qué lle costa tanto á xente animarse a correr... A min paréceme que non só lle custa ás mulleres. No meu ambiente tamén vexo que ós homes, cando xa non poden facer fútbol, lles tira mais a bici, natación, tenis, en xeral calquera cousa que se siga a poder facer en cancha e en compañía, porque isto de correr din que lles é monótono e aburrido. Supoño que como en todo na vida, hai que ter algo de vocación e inclinación para o tema. Hai xente que só se queda na dificultade incial , e non lle chega a atopar o gusto a deixarse ir "en piloto automático", os pes e os pulmóns o seu ritmo, e o cerebro ocupado noutras cousas, coma percibir a brisa fresca do vento suave cando ven de cara pero sen estorbar, ou o arrecendo da panadería do lado cando pasas a primeira hora da mañá...
Eu si que acabo de soltar unha boa parrafada, asi que xa non te "okupo" mais o diario por hoxe.
Moito ánimo, e non deixes de sair, acompañada ou soa.