Xov, 06 Set 2018, 11:30
Asunto: Re: Diario de Meigalicix (polo 20% e subindo)
Acabo de entrar, e vexo que hai máis de 8 días que non actualizo o diario, e non por falta de actividade, senón todo o contrario.
Moitísimas grazas , Pollastre e Suso, polos comentarios. Se algo axuda a manter os ánimos, e sobre todo "a cabeza", é este diálogo virtual que tanto nos aporta a todos.
O inventario resumido desde a última entrada ven sendo o seguinte:
- Xoves 31, saida de media hora pola Guía
- Venres 1 e sábado 2: Exercicios de reforzo de gñúteos versión reducida
- Domingo 3 : Primeira saída despois de 3 meses de ida e volta ata Chapela de mañá cedo, 54 minutos a ritmo medio de 6:15, con algún que outro pico de ritmo de 5:15 en zonas favorables. Resultados que noutra época consideraría borralla absoluta, pero a día de hoxe resistir ben , sen molestias excesivas durante 9 km é todo un avance.
- Martes 5: Retorno ó ximnasio. De entrada foi unha sesión sen chaleco de electroestimulación. Pero os 15 minutos de elíptica, as sentadillas , planchas e abdominais chegáronlle ben.
E hoxe xoves, toca volver pola fisio, a ver se non atopa o piramidal dereito descolocado e o isquio esquerdo sobrecargado, e que novos permisos me vai dando.
Polo demáis , os ancestros xa están na favela desde hai catro días. Duro periodo de adaptación para todos. A ver que nova normalidade imos instalando entre todos, e en que banda horaria logro meter algún entreno, porque no que vai de semana foi imposible. Mañá e domingo sería o pertinente, e o deixo escrito para ver se a miña propia receta segue a funcionar, pero polo do agora o horario vai de minuto a minuto.