Dom, 30 Set 2018, 23:02
Asunto: Re: Diario de Meigalicix (polo 20% e subindo)
Crónicas da favela: "A cidade que nunca durme"
Iso dicían de NY, ainda que desde o o Vigo-challenge de don Abel e as luces de Nadal, xa lle temos arrebatado o título... E aínda sen luces de Nadal, aquí na favela de Teis, tanto ten que sexan as 6 ou as 7 da mañá dun sábado ou un domingo. Sempre vai haber alguén que non durme: milenials regresando after hours, baixando dun taxi ou durmiñando na parada do bus, algún coche que obriga a deixar o asfalto e volver á beirrúa, e como non, unha tola correndo en camiseta de asas e con muñequeiras reflectantes.
Esta semana logrei sair 3 veces, unha saída curta o martes, de menos de 5k, e este sábado e domingo duas de 9 km. Sensacións variables. O martes a fisio centrouse no obturador esquerdo e masaxes no abdome (por se algún problema xinecolóxico está a afectar a musculatura pélvica). No ximnasio Gonzalo fartouse de dicirme que o meu era medo e nada máis, que respondo ós exercicios sen problemas nen molestias. Pero o certo foi que o venres anduven coa perna esquerda doente todo o día, e o sábado pola mañán todo o tempo do entreno sentindo a maldita "trabada no cú" , e logo por dúas veces poñendo xeo na zona. Ata que sucedeu unha especie de miragre.
O sábado ó mediodía tiña reunión e xantar de traballo en Vincios,a persoa que me viña recoller e facer de chofer decidiu por esta vez traer a moto. Estou afeita a "ser paquete" en cuestións deportivas desde a miña infancia, pero ser paquete de moto só fun tres veces na vida, incluindo a deste sábado. O caso é que non sei que compoñente mecánica da postura foi a que fixo o efecto, pero ó baixar notei sorprendida que xa non tiña molestia ningunha no lado esquerdo, e asi seguin todo o día.
No entreno do domingo as molestias foron mínimas e por primeira vez en moito tempo sentinme cómoda correndo , certo que a un ritmo lentísimo, pero con confianza. A ver se dura, e se realmente isto é o punto de inflexión.
Polo menos o que si podo dicir é que ésta foi a primeira semana estándar despois de meses: 3 saídas e 1 sesión de ximnasio
Última edición por Meigalicix o Mar, 02 Out 2018, 21:35; editado 1 vez