Sáb, 18 Ago 2018, 21:40
Asunto: Re: Diario de Meigalicix (polo 20% e subindo)
cK13 escribió: |
Vense brotes verdes Meiga.....agora non lle pases a desbrozadora, tes que mimalos |
Tranquilo Nando, eu son máis de cortacéspede eléctrico ou de gadaña que de desbrozadora.
E si que tiña intención de mimar moito os meus músculos estes días, pero as circunstancias familiares non deron moita marxe ( só de decatas de canta materia inútil se pode acumular en 20 anos nun dormitorio cando toca facer mudanza forzosa...)
En medio de toda esa voráxine, si que logrei estrearme o día 14, e facer dúas saídas máis en días alternos (martes, xoves , sábado). Con plantillas, sen pasarme dos 5 km. Os tres días no circuito da Guía, que os que xa me coñecedes sabedes que o fago comezando Doutor Corbal, Avenida de Dona Fermina , carballeira, Oliveira, Baixada a Etea e remato subindo Ríos. Costas esixentes, pero coa vantaxe de ser un percorrido curto, tranquilo e con sombra a case calquera hora.
O primeiro día rematei en 36 minutos o que habitualmente remato en 28-29. Ritmos de 6:20 km en llano e costa abaixo. Máis lento é ir xa andando. Con todo iso, moitas, moitas maniotas pola zona dianteira dos muslos. Teño agotada a cuota láctica ata o ano que ven ( e que me perdoen o chiste malo os gandeiros da miña familia materna).
Hoxe na terceira saída, indo ó que podían dar pulmóns e pernas, que tampouco era gran cousa, xa cheguei a facer tramos de llaneo e baixada a 5:40, só sentindo o tirón das maniotas, sen sensacións sospeitosas na zona cero.
Por si acaso, ando a poñer xeo. Por outra banda como mañá toca volver a Catoira , xa toca 5 días sen correr, nos que espero poder atopar algún oco para seguir cos exercicios de reforzo de glúteos , e substituir os exercicios de pesas por planchas, agora que teño permiso para apoiarme nas pernas... O conto será poder atopar eses ocos, con todo o que toca de traballo e acompañamento a consultas médicas cando estou alí.
Pero polo menos sentir que podo correr, que xa é de abondo