Lun, 21 Mai 2018, 12:03
Asunto: Re: Diario de Meigalicix (polo 20% e subindo)
Crónicas da favela: "Como Carmen Maura ..."
¿Que fixen eu para merecer isto? , preguntaba ela antes de coller o pernil de xamón na man e facer xustiza. Tamén mo pregunto eu estes días, que demo fixen para merecer isto, eu, que xa aprendera dunha vez por todas coa fascitis plantar do 2011. Eu, que cría que xa tiña pillado o truco , que vivía confiada coa miña adaptación personal da fórmula de Pollastre, na que R= 0 se m= 49,5 e d oscila entre o rango de 12 a 27.
Pero algo fixen mal, é evidente. Por máis que o ecografista o martes pasado me repetise unha e outra vez o caso de Nadal e outros tantos, que teñen persoal técnico que os entrenan pero se lesionan o mesmo. En fin , que aínda que se fagan as cousas ben, determinadas variables, a lei de Murphy e a forza do destino levan sempre a unha lesión. Non sendo que se teña o olfato e autoceñecemento de 101, que as sabe escorrentar segundo asoman.
O asunto é que onte renunciei a sair por si acaso. E hoxe pola mañá, estirada na cama, a zona seguía doente, e se cadra de sair podía ser unha desfeita. Así que entre o peor e o malo, escollín facer 15 minutos de estática alternando ritmo frouxo e medio, 6-7 minutos de remo e dúas tandas de abdominais.
Mañá toca fisio. A ver que sacamos dos comentarios do informe da ecografía.
Mentras, o calendario da mesa mira para min, e dime que quedan só 18 días para a Nocturna da Florida. E non quero perderme a festa por nada