Lun, 05 Xuñ 2017, 12:18
Asunto: Re: Diario de Meigalicix (polo 20% e subindo)
Crónicas da favela: " De como fun facer unha sesión de recuperación na Costa Ártabra , o meu paso polo I trail de San Sadurniño, e outros feitos que me aconteceron"
Comenzando con semellante título , o propio sería continuar coa prosa quevediana ata o final, pero iso excede as miñas capacidades, tanto as literarias como as de tempo e ganas.
Limitareime a dicir que o venres , unha vez máis pillada de tempo, saín só pola Guía, circuito básico de 4700m, rematados en 31 minutos a ritmo cansino.
Ás 16 horas , coa dixestión a medio facer, tocou marchar a facer "sesión de recuperación" en Ferrolterra. Dúas horas ininterrumpidas de camiño en coche pola
AP-9 , para logo renuirme con
A-61, os dous de paisano , coa idea de dar unha volta polo Museo da SGHN ( non todo vai ser correr ) e culturizarnos cunha charla sobre a orixe da Costa Ártabra. En total sumei 4 horas de posición sedentaria esa tarde... Non é o mellor xeito de tratar ás pernas unha semana antes dunha carreira.
Xa metida na racha en bucle de antirrecuperación, non estirei esa noite, nin tampouco na mañá seguinte. A xornada do sábado comezou en Pantín e rematou antes de Cabo Prior. Todo perfecto desde o punto de vista xeoturístico, pero desde o punto de vista atlético e biomecánico foi nefasto , porque non era un roteiro de facer andando a un ritmo constante, senón unha serie de paradas nas que alternabamos desprazamento en coche, con momentos a veces moi longos de estar parados de pe escoitando as explicacións do guía.
No domingo, máis do mesmo, pero pola Serra do Forgoselo. Comezamos por Igrexafeita e tiramos cos coches para o Alto de Racamonde. 32 xeoturistas baixando dos seu coches, deambulando dun lado a outro da pista forestal, escoitando ó noso guía , admirando as vistas e as formas das rochas, campando ás nosas anchas. Quen máis podía pasar por alí un domingo pola mañá?...
Cando vin pasar un par de ciclistas en bici de montaña, e ós 10 minutos outra persoa correndo, o único que pensei era que canto entrenaba a xente da bisbarra aproveitando o domingo.
Un tempo despois cando vin pasar a dous correndo á par e outro detrás, xa me fixei máis, e reparei que levaban dorsal " E este trail de quen ven sendo?" . Collin o móbil e consultei no calendario do foro, e cheguei á conclusión de que aquelo tiña que ser o I Trail de San Sadurniño.
De contado pasou o que debía ser o "pelotón perseguidor", no que ía a primeira muller. Aplaudín e animei con enerxía, a todos os do grupo pero moi especialmente a ela.
Cando un vai en plena carreira, sufrindo costa arriba, e soñando co cambio de rasante e o inicio da costa abaixo, unhas das cousas que máis amola é atopar a calzada invadida e ter que desviar o paso, por poucos centímetros que sexan... Eu veña a berrarlle ós meus compañeiros de grupo que se botasen ás cunetas e deixasen todo libre, pero había algúns de costas que nin se enteraban. Está claro que só os que corremos algunha vez nos decatamos deses detalles.
Se chegan a facer unha enquisa ás persoas chegadas á meta, unhas dirían que moi ben iso de ter xente no alto de Racamonde para animar, outros que ben tamén por poder preguntarlle a alguén onde seguía o camiño. Pero tamén estarían os que se queixaría dos invasores da calzada, incluso habería un par de corredoras do pelotón de cola que protestaría dicindo que por culpa duns freakys sentados no medio das pedras do monte con chaleco reflectante estiveron a piques de desviarse de camiño pensando que a carreira continuaba por medio das toxeiras.
En fin. Espero que todos chegaran ben a meta, e que o trail vexa mais edicións no futuro.
Volvendo ó meu balance de exercicio físico semanal, engadir que en toda a mañá o único que serviu para movilizar as pernas foi o paseo ata o mirador da fervenza do río Belelle . Polo demais, todo igual. Outras catro horas sentadas entre o xantar no pobo de A Capela, e a víaxe de volta a Vigo.
Plan para esta semana (que hai que cumplir si ou si)
Luns: ximnasio (por favor que me toque con Jota)
Martes pola tarde: saida de 9-10 km)
Mércores: Descanso
Xoves pola tarde: Saida de 9-10 km
Venres :descanso
Sábado : Carreira Nocturna do Runrun Vigo
Facer estiramentos cada mañá e cada noite, os exercicios de descarga do glúteo cada 3 horas, e suplemento de magnesio toda a semana.
E mentalizarme de que esta carreira do sábado é so un entreno semanal para a de San Xoan
Última edición por Meigalicix o Lun, 05 Xuñ 2017, 18:29; editado 1 vez