Ven, 05 Mai 2017, 10:26
Asunto: Re: Diario de Meigalicix (polo 20% e subindo)
"Crónicas da favela: Fuxindo dos soños"
Hoxe durmin mal. Despertei varias veces, e nunha desas puiden quedarme coa historia que estaba soñando : O meu fillo, outra vez con 10 anos (en vez dos 25 que ten agora) correndo conmigo unha carreira de relevos na que o testigo era un pau/bastón longo cun gancho ou colgador arriba, e tratábase de correr sempre co pau na man ó lado da parella sen pasar o testigo. Meu fillo levaba o pau . Corríamos por unha costa arriba a un ritmo espectacular. Pero a escena seguinte é que xa estou en casa, seica no último momento pasei de chegar á meta, porque tanto me tiña rematar a carreira e o noso portal quedaba de camiño...
Din que os soños son o xeito en que o cerebro inconsciente descansa das preocupacións acumuladas en estado consciente... Así que supoño que o que se mesturou na cocteleira foi:
- o correo dos de CCN avisando da carreira de relevos por equipos do 20 de maio.
- o ter que tachar tamén do calendario a carreira nocturna de Vigo do 10 de xuño porque estarei fora.
- o ver que esta semana tamén é outro caos de planificación. Fun ó ximnasio ó martes, pero fun incapaz de sair correr nin mércores nin xoves.
Xa despexada dos pesadelos, saín facer a facer a primeira saída da semana ás 7:30 da mañá . Trote cochinero ó comezo, e apurando algo ó final para escapar da chuvia e a mala conciencia de corredora vagoneta. 51:19 minutos a un ritmo medio de 5:45 min/km.
E despois andades algúns facendo cálculos infinitesimais de se algún día farei ou non unha marathon. 0,0016 é o mesmo que dicir 0 se temos que redondear.