Xov, 21 Mar 2013, 21:43
Asunto: POZO DO DEMO 3 prolonga inscrición por cancelación Oleiros
Dende a organización de POZO DO DEMO 3 lamentamos a cancelación forzosa que tiveron que sufrir os nosos compañeiros de Artabros co seu Trail de Oleiros.
Ante as numerosas peticións que tivemos durante esta tarde para participar na nosa carreira e, despois de falar coa aseguradora que está cubrindo o seguro de responsabilidade civil da prova,
decidimos de forma EXCEPCIONAL reabrir a inscrición para a Carreira de Monte ata mañán venres ás 17.00 horas.
Deste xeito, queremos axudar a aquelas persoas que desexen correr neste fin de semana, teñan un lugar onde facelo (sempre que queiran vir ata Verín, claro está).
As inscricións as podedes enviar a:
- pozododemo @ verin.net
- buzon @ multisport.es
NOTA ACLARATORIA DA ORGANIZACIÓN>>
A nosa carreira, tal e como dixo un forista fai pouco, NON É UN TRAIL EXTREMO.
Pozo do Demo é unha carreira de monte con detalles de trail e que conxuga outros detalles de carreira popular tradicional. Coidamos que é unha forma divertida de correr.
A Organización ten como proxecto, en edicións venideiras, completar a súa oferta deportiva cun trail a maiores da carreira de monte e a andaina xa existentes.
Un saúdo a todos.
