Dom, 12 Mai 2019, 21:55
Asunto: Re: Diario de Meigalicix (polo 20% e subindo)
Operación formiga. 3ª semana. Día 3
Había que conseguir facer hoxe a terceira saída da semana como fose. Pero o único momento libre que conseguín foi ás 13:30. Cos 26 º C que tiñamos hoxe ó mediodía, non eran as mellores circunstancias. Tampouco a perna esquerda estaba no seu mellor momento.
Só dispoñía de 40 minutos. Os xustos para gastar na ETEA . Con tanto calor estaba convencida de que ía sair unha trapallada de entreno. En todo caso, xa que levaba o Garmin posto, serviría para comparar a lentitude de hoxe cos ritmos lixeiros dos entrenos a primeira hora da mañá, co aire fresco na cara.
E resulta que agora ó descargar os datos, vexo que todas as sesións que fago llaneando na ETEA saen practicamente iguais. Hoxe parecíame ir a cámara lenta, e non era tanto. Outros días penso que vou fogueada e tampouco é certo. Sempre os mesmos resultados, con 12ºC, con 20º ou con 26ºC a calquera hora do día: Tramos rápidos de 1 minuto a un promedio de 4:40 e tramos lentos de 1 minuto e medio a unha media de 6:15-6:30, durante 30 minutos aproximadamente.
Vale, unha diferencia sí que houbo hoxe, ó rematar fun incapaz de trotar máis e fixen todo o camiño de volta a casa andando, e menos mal que os plátanos de paseo da Avenida da Marina Española xa estaban recuperados da última poda.
Mañá sesión de fisio despois de case dous meses. A ver se me sigue dicindo cousas bonitas.