Correr en Galicia, carreiras populares.
Calendario Foros Contacto Circuíto
A miña conta
Calendario
Info da proba

Rianxo

01/11/2019 10:45 - 13:15

Voltar

Regulamento Artigo 1.
O Concello de Rianxo e o Club Atletismo Rianxo organizan a VII Carreira Popular
Concello de Rianxo, o venres 1 de novembro de 2019. A proba está incluída no
Calendario Oficial da Federación Galega de Atletismo e nos seguintes circuítos:
• VII Circuíto Provincial de Carreiras Populares, promovido pola Deputación da
Coruña.
• IV Circuíto Carreiras Populares Arousa Norte, promovido e organizado polos
Concellos que forman parte da Mancomunidade Arousa Norte: Boiro, Rianxo, A
Pobra do Caramiñal e Ribeira.
Artigo 2.
Poderán participar atletas federados e non federados; haberá unha clasificación conxunta.
O control da carreira estará a cargo do Comité de xuíces da Federación Galega de
Atletismo.
Artigo 3. Categorías
• Xoubas H/M 2014-2015-2016. 3 saídas, agrupadas por ano de nacemento.
• Sardiñas H/M 2012-2013.
• Benxamín (sub 10)H/M 2010-2011.
• Alevín (sub 12) H/M 2008-2009.
• Infantil (sub 14) H/M 2006-2007.
• Cadete (sub 16) H/M 2004-2005.
• Xuvenil (sub 18) H/M 2002-2003.
• Júnior (sub 20) H/M 2000-2001.
• Promesa (sub 23) H/M 1997-1998-1999.
• Sénior H/M de 1996 ata 1985.
• Máster 1 H/M de 1984 ata 1979.
• Máster 2 H/M de 1978 a 1970.
• Máster 3 H/M de 1969 a 1960.
• Máster 4 H/M de 1959 en adiante.
• “Sapatilla” inclusiva Categoría única absoluta para persoas con diversidade
funcional.
Artigo 4. Distancias e horarios
Categoría Distancia Horario Percorrido Nº voltas
Xoubas 100 m. 10:45 h. Amarelo – 100 m. 1
Sardiñas 500 m. 11:00 h. Verde – 500 m. 1
Benxamín - Sub 10 1.000 m. 11:10 h. Verde – 500 m. 2
Alevín - Sub 12 1.500 m. 11:25 h. Azul - 750 m. 2
Infantil - Sub 14 2.250 m. 11:40 h. Azul – 750 m. 3
Cadete - Sub 16 7.300 m. 12 h. Vermello 1
“Sapatilla” inclusiva 7.300 m. 12 h. Vermello 1
Xuvenil -Sub 18
Júnior - Sub 20
Promesa - Sub 23 -
Máster
10.000 m. 12 h. Vermello+ laranxa 1
Artigo 5. Lugar de saída e percorrido
Saída e chegada
Praza Castelao
Establécense 4 percorridos, aos que se darán as voltas indicadas na táboa de distancias.
1. Percorrido amarelo: 100 m.
2. Percorrido verde: 500 m.
3. Percorrido azul: 750 m.
4. Percorrido laranxa: 2.700 m.
5. Percorrido vermello: 7.300 m.
Artigo 6. Inscricións
Prazo:
Ata o martes 29 de outubro de 2019 ás 24 h. Non se aceptarán inscricións fora de prazo
ou con datos incompletos.
Onde:
emesports.es
Prezo inscrición:
Os prezos de inscrición aprobaranse na Xunta de Goberno Local do Concello de Rianxo.
• Gratuíto para as categorías de xoubas a cadete (Sub 16).
• 6 € nas categorías xuvenil (Sub 18), júnior (Sub 20), promesa (Sub 23), sénior e
máster.
Límite prazas: Haberá un límite de 500 inscritos na categoría absoluta (xuvenís e
posteriores).
Artigo 7. Chips, cronometraxe e retirada de dorsais e chips.
Retirada de dorsais:
Na Praza Castelao o mesmo día da proba a partir das 9 h. e ata o inicio da mesma. Os
participantes no Circuíto de carreiras populares Arousa Norte 2019, terán que achegarse
co seu dorsal de competición á zona de retirada de dorsais para recoller o agasallo de
participación.
Cronometraxe e control por chip
Agás os participantes nas categorías xoubas e sardiñas, os demais participantes estarán
controlados a través dun chip que se entregará a cada participante xunto co dorsal.
Artigo 8. Premios
A Clasificación e Premios do circuíto regúlanse no Artigo 6 do Regulamento do IV
Circuíto de Carreiras Populares Arousa-Norte.
Na Carreira Popular Concello de Rianxo outorgaranse os seguintes:
Medallas
Medallas para todos os participantes (ata fin de existencias) nas categorías Xoubas,
Sardiñas, Benxamín, Alevín, Infantil e Cadete.
Trofeos
Trofeo para os tres primeiros/as corredores/as en cruzar a liña de meta na proba absoluta,
tanto en categoría feminina coma masculina.
Trofeo aos tres primeiros clasificados de cada categoría feminina e masculina.
Trofeo “Xosé Neira Hermida” ao primeiro e primeira corredor/a local.
Trofeo ao club con mais participantes.
Premios
Premio para os tres primeiros/as corredores/as en cruzar a liña de meta na proba, tanto
categoría feminina coma masculina, cos seguintes premios: 1º-150 €, 2º-100 € e 3º-50 €.
Agasallos
Os participantes nas categorías xuvenil (Sub 18), júnior (Sub 20), promesa (Sub 23),
sénior e máster recibirán un agasallo técnico.
Artigo 9. Participación de atletas de outras federacións
autonómicas e estranxeiros.
Nesta proba a participación de atletas estranxeiros e de outras federacións autonómicas
rexirase de acordo co disposto no artigo 3.4. do “REGLAMENTO PARA LAS
COMPETICIONES DE CAMPO A TRAVÉS, MARCHA, RUTA, TRAIL Y PISTA 2018-2019”.
Máis información desta norma no ligazón:
http://www.rfea.es/normas/pdf/reglamento2019/06_ReglamentoCompeticiones .pdf*
Artigo 10. Servizos
Servizo de gardarroupa
Pavillón polideportivo de Rianxo.
Vestiarios e Duchas
Pavillón polideportivo (homes) e Piscina Municipal (mulleres).
Aparcadoiros:
Aparcadoiro Público Municipal (gratuíto), arredores do pavillón polideportivo e nas
inmediacións da zona portuaria.
Publicación Resultados
emesports.es
concelloderianxo.gal
carreirasgalegas.com
Artigo 11. Outras consideracións
Non estará permitido o acompañamento dos participantes mediante o uso de vehículos de
apoio. A non observancia desta norma implicará a descualificación dos atletas
acompañados.
O dorsal deberá ser colocado visiblemente na parte dianteira do/a corredor/a, sen poder
facer ningunha modificación no mesmo.
A organización e os seus colaboradores non se fan responsables dos danos morais ou
materiais que a si mesmos ou a outras persoas ocasionen os participantes nas carreiras.
A organización da proba reservarase a facultade de decidir sobre calquera aspecto ou
circunstancia non contemplada neste regulamento.
En caso de cancelación do evento por causas alleas a organización, non se devolverá o
importe da inscrición.
Artigo 12. Aviso Legal
L.O.P.D.
Todos os corredores/as ó realizar a inscrición aceptan a publicación do seu nome e imaxe
nas clasificacións, medios de comunicación e/ou internet.
NOTA
Este circuíto pertence ao Calendario Oficial da Federación Galega de Atletismo e
mediante a súa inscrición o corredor consente expresamente que os seus datos básicos
sexan cedidos a esta entidade para a tramitación, ante a compañía de seguros, dos
seguros obrigatorios de accidentes e Responsabilidade Civil así como a xestión da licenza
de día e ranking popular de probas de ruta. En todo caso e tal como establece a lei de
Protección de Datos, o/a interesado/a pode exercer no futuro os seus dereitos de acceso,
rectificación, cancelación e oposición mediante escrito ou correo electrónico á Federación
Galega de Atletismo. Avenida de Glasgow ,13 - 15008 A Coruña.
Todo o non reflectido no presente regulamento rexerase polas normas vixentes da FGA e
RFEA.

Voltar