Correr en Galicia, carreiras populares.
Calendario Foros Contacto Circuíto
A miña conta
Calendario
Info da proba

Padrón

03/03/2012 16:30 - 19:30

Voltar

Regulamento
X Carreira Popular Concello de Padrón 2012

Data: sábado, 3 de marzo de 2012.
Hora:
16:30 h PITUFOS 200 m aprox.
16:40 h PREBENXAMÍN 500 m aprox.
16:50 h BENXAMÍN 500 m aprox.
17:00 h ALEVÍN 1000 m aprox.
17:15 h INFANTIL – CADETE 3500 m aprox.
18:00 h XUVENIL/JUNIOR/PROMESA/SENIOR e VETERÁN 10 km
Lugar: Concello de Padrón.
Distancia: ata 10.000 m.
Organiza: Concellería de Deportes de Padrón
Inscrición: ata o 29 de febreiro de 2012. Ver punto 4 do regulamento.





:: Segue a carreira de Padrón no foro ::


X Carreira Popular Concello de Padrón 2012

A Concellería de Deportes de Padrón organiza o sábado 3 de marzo de 2012 a partir das 16:30 horas, a X edición da súa Carreira Popular que se disputará na proba absoluta sobre unha distancia de 10 km homologados pola Real Federación Española de Atletismo (RFEA). As probas disputaranse na localidade de Padrón e estarán baixo o control técnico da Federación Galega de Atletismo (Delegación de Santiago). As probas estarán suxeitas o seguinte:

REGULAMENTO
1. Poderán participar atletas federados e non federados; haberá unha sola clasificación conxunta. O control da carreira estará a cargo do Comité de Xuices da Federación Galega de Atletismo, Delegación en Santiago de Compostela.

2. CATEGORÍAS DOS PARTICIPANTES:
PITUFOS: atletas nados no 2008 e posteriores
PREBENXAMÍN: atletas nados nos anos 2005, 2006 e 2007
BENXAMÍN: atletas nados nos anos 2004 e 2003
ALEVÍN: atletas nados nos anos 2002 e 2001
INFANTIL: atletas nados nos anos 2000 e 1999
CADETE: atletas nados nos anos 1998 e 1997
XUVENIL/JUNIOR/PROMESA: atletas nados entre 1996 e 1990
SENIOR: atletas nados entre 1989 ata veteráns
VETERÁN A MASCULINO: atletas nados entre 1977 e 1967
VETERANA A FEMENINO: atletas nadas entre 1977 e 1967
VETERÁN B MASCULINO: atletas nados entre 1966 e 1957
VETERANA B FEMENINO: atletas nadas en 1966 e anteriores
VETERÁN C MASCULINO: atletas nados en 1956 e anteriores

3. DISTANCIAS E HORARIOS:
O percorrido da proba absoluta estará homologado pola RFEA e as marcas entrarán a formar parte do ranking galego e nacional da distancia de 10 km en ruta. A SAÍDA DAS PROBAS ESTARÁ SITUADA NO CAMPO DO SOUTO (Praza de Abastos). Na proba absoluta haberá caixóns de saída dependendo das marcas realizadas na distancia (só en circuitos homologados).

HORA CATEGORÍA DISTANCIA
16:30 h PITUFOS 200 m aprox.
16:40 h PREBENXAMÍN 500 m aprox.
16:50 h BENXAMÍN 500 m aprox.
17:00 h ALEVÍN 1000 m aprox.
17:15 h INFANTIL – CADETE 3500 m aprox.
18:00 h XUVENIL/JUNIOR/PROMESA/SENIOR e VETERÁN 10 km homologados pola RFEA (2 voltas circuito Grande)
19:15 h ENTREGA DE PREMIOS (AUDITORIO MUNICIPAL)

O percorrido da proba absoluta estará indicado, controlado e sinalizado cada kilómetro. A organización contará coa colaboración dos organismos municipais competentes, que regularán o tráfico ao longo do percorrido.

PLANO PROBA ABSOLUTA


4. INSCRICIÓNS
ADULTOS: ata o mércores 29 de febreiro ás 22:00 horas na web www.championchipnorte.com (forma única de inscrición). Se non eres usuario, debes de darte de alta no apartado "REXISTRARSE" e seguir as instruccións para formalizar as inscricións que desexes. Deberán indicar a marca en 10 km homologados na presente tempada ou na 2010/2011.

ESCOLARES (ata cadetes) : ata o mércores 29 de febreiro ás 14:00 horas na dirección de correo deportespadron@yahoo.es ou no teléfono 627 008 584 en horario de 9 a 14 horas indicando os datos requeridos a continuación.

Non se aceptarán inscricións fora do prazo establecido, con datos incompletos ou sin todos os datos obrigatorios, os cales serán: nome e apelidos, data de nacemento, teléfono e correo electrónico de contacto (se o ten), localidade de procedencia, provincia, colexio ou clube co que participa e número de licencia federativa ou seguro escolar (se a/o ten).

> O PREZO da inscrición (a proba absoluta estará controlada a través dun CHIP) será o seguinte:
- CATEGORÍAS ESCOLARES: GRATUITA
- PROPIETARIOS CHIP AMARELO CHAMPIONCHIP: 4,00 €
- CORREDORES SEN CHIP AMARELO CHAMPIONCHIP: 5,00 €

A pre-inscricion non se completará se non se fai o pago no momento de inscribirse na web www.championchipnorte.com. Haberá un límite de 1000 inscritos na proba absoluta.

Calqueira dúbida relacionada co proceso de inscrición poderán dirixirse ó teléfono: 982 816 884. Calqueira dúbida relacionada coa organización da proba poderán dirixirse os teléfonos 627 008 584 en horario de 9 a 15 horas.

› INSCRICIÓN POR CLUBES.
Para a entrar na premiación por clubes deberán inscribirse os atletas individualmente na web www.championchipnorte.com e remitir un correo electrónico o correo FGAsantiago@gmail.com cos datos do clube xunto co listado de atletas que participarán na proba selado pola Federación Galega de Atletismo ou Delegación correspondente no seu defecto antes do mércores 1 de febreiro ás 22 horas. SEN ESTE CORREO ELECTRÓNICO NON PODERÁN OPTAR OS PREMIOS POR CLUBES. Na clasificación por clubes poderán entrar os atletas das categorías XUVENIL, JUNIOR, PROMESA, SENIOR e VETERÁNS.

5. RETIRADA DE DORSAIS e CHIPS
Realizarase o día da proba no AUDITORIO MUNICIPAL a carón do Centro Social (Campo do Souto) en horario de 12 a 13 horas (recomendable); tamén poderán recollerse dende as 15 horas ata media hora antes do inicio de cada proba.

CONTROL CON CHIP: A proba de adultos estará controlada a través dun CHIP que se entregará a cada corredor no momento da recollida do dorsal (agás propietarios de chip amarelo) e que deberá colocarse na zapatilla antes da saída da súa proba.

TODOS OS CORREDORES TEÑEN A OBRIGA DE DEVOLVER O CHIP O FINALIZAR A SÚA PROBA (agás propietarios de chip amarelo). AQUELES CORREDORES QUE NON ENTREGUEN O CHIP NON ENTRARÁN NAS CLASIFICACIONS NIN RECIBIRÁN NINGUN TIPO DE OBSEQUIO.

DESCALIFICACIÓNS: Todo corredor/a que incumpla as normas da competición ou as establecidas nos regulamentos RFEA e FGA referentes a probas en ruta, será descalificado a criterio do Xuiz Árbitro da Competición. TODAS AS RECLAMACIÓNS DEBERÁN SER DIRIXIDAS O XUÍZ ÁRBITRO DA COMPETICIÓN con prazo máximo de 30 minutos despois da publicación dos resultados da proba en cuestión.

6. TROFEOS, PREMIOS e AGASALLOS
› PROBAS ESCOLARES:
- Trofeos aos 3 primeiros/as corredores/as de cada categoría por idade e sexo.
- Agasallos según disponibilidade e ata fin de existencias.

› PROBA ABSOLUTA
- Trofeo aos 3 primeros/as corredores/as de cada categoría por idade e sexo.
- Trofeo especial aos 3 primer@s da clasificación xeral Masculina e Feminina (xuvenil/junior/promesa/senior e veteráns).

Entregarase unha camiseta conmemorativa da proba a cada participante, tanto escolar como absoluta, ata fin de existencias. Pendente de confirmar agasallos puntuais por firmas colaboradoras.

PREMIOS EN METÁLICO DA PROBA ABSOLUTA
60 PREMIOS ECONÓMICOS AOS PRIMEIROS CLASIFICADOS MASCULINOS (40) E FEMENINOS (20) + DIPLOMA PERSONALIZADO:
− 40 primeiros postos Masculinos da clasificación absoluta que entren nun tempo inferior a 40:00 do seguinte xeito:
› 1º Clasificado: 200 €
› 2º Clasificado: 100 €
› 3º Clasificado: 75 €
› Postos 4º ó 10º: 30 €
› Postos 11º ó 20º: 20 €
› Postos 21º ó 40º: 10 €

- 20 primeiros postos Femininos da clasificación absoluta que entren nun tempo inferior a 50:00 do seguinte xeito:
› 1ª Clasificada: 200 €
› 2ª Clasificada: 100 €
› 3ª Clasificada: 75 €
› Postos 4ª a 10ª: 30 €
› Postos 11ª a 20ª: 20 €

PREMIOS A CLUBES
› 1º Equipo Clasificado: 200 €
› 2º Equipo Clasificado: 150 €
› 3º Equipo Clasificado: 100 €

A clasificación por clubes será establecida a través dos 10 primeiros corredores en cruzar a líña de meta, pola suma dos seus postos, gañando o equipo que menos puntos acade. En caso de empate gañará o equipo que mellor clasifique o seu 10º compoñente. Os equipos poderán ser mixtos.

SÓ SE ADMITIRÁ A PARTICIPACIÓN DE CLUBES FEDERADOS NOS PREMIOS EN METÁLICO, que terán que enviar previamente o listado dos atletas co selo oficial da Federación Galega de Atletismo ou no seu defecto da Delegación correspondente o correo FGAsantiago@gmail.com. Na confección do clube non poderán entrar atletas pertencentes a outros clubes nin filiais do mesmo.

PREMIOS ESPECIAIS
- Trofeo o/a 1º/ª Corredor/a local.
- Trofeo Participación, o colexio/clube con máis corredores inscritos que finalizen a proba.
- Trofeo Benxamín, o corredor/a menor idade.
- Trofeo Superveterán o corredor home con maior idade que finalize a proba.
- Trofeo Superveterana á corredora con maior idade que finalize a proba.
- 3 cestas de productos EROSKI valoradas en 60, 30 y 20 euros ós 3 primeros/as clasificados/as da xeral absoluta.
- 3 invitacións para 2 persoas ó Aquaform do Balneario de Cuntis ós 3 primeros/as clasificados/as ó término da primeira volta e que finalicen entre os 10 primeiros da xeral.

SORTEO
Haberá sorteo de material deportivo e diversos productos doados pólas firmas colaboradoras no auditorio municipal e antes de comenzar a entrega de premios.

O PAGAMENTO DOS PREMIOS EN METÁLICO E ENTREGA DE DIPLOMAS REALIZARASE NO HALL DO AUDITORIO MUNICIPAL, ÁS 19.15 HORAS, ANTES DA ENTREGA DE PREMIOS. (EXPORASE COA MAIOR BREVIDADE POSIBLE UN LISTADO DE CLASIFICACIÓNS PROVISIONAL). PARA PODER PERCIBIR O PREMIO SERÁ OBRIGATORIO A PRESENTACIÓN DO DNI OU DOCUMENTO ACREDITATIVO DA IDENTIDADE.

7. OUTRAS CONSIDERACIÓNS REGULAMENTARIAS
Segundo o ARTIGO 3.4. DO REGULAMENTO das competicións autonómicas de Ruta, Pista ou Campo a Través da REAL FEDERACIÓN ESPAÑOLA DE ATLETISMO: "Por norma general en estas competiciones no podrán participar atletas extranjeros que no tengan licencia por la Federación Autonómica donde se celebre la competición salvo si se cumple alguno de los siguientes supuestos:

− "En Autonomías con frontera terrestre con Portugal o Francia se permitirá la participación de atletas del país vecino siempre y cuando estos atletas no hayan sido internacionales por su país en los últimos 5 años y en una prueba similar".

− "Atletas residentes en la Comunidad Autónoma. Se deberá justificar con permiso de residencia o trabajo".
En todos os casos o organizador poderá requerir a documentación necesaria e reterá o premio mentres non sexa presentada.

As reclamacións ós resultados oficiais deberán formularse verbalmente ó xuíz árbitro da Competición non máis tarde de 30 minutos despois da publicación dos mesmos. Todo o non previsto no presente regulamento, resolverase de acordo co Regulamento da RFEA en vigor. A participación implica a total aceptación deste regulamento, e o descoñecemento do mesmo non exime do seu obrigado cumprimento.

Haberá Servicio de Duchas nos Polideportivos do Souto (só para homes) e do Grupo Escolar (para homes e mulleres). O horario de apertura de ambos será de 15:30 h–19:30 h.

Poderán consultar os resultados oficiais e toda a información relativa ás probas nas webs:
- www.championchipnorte.com
- www.atletismogalego.org
- www.fgatletismo.es/santiago/
- www.correrengalicia.org


:: Segue a carreira de Padrón no foro ::

Voltar